ṬAP HLA 2:8 - Pathien Lekhabu Inthieng (BSI)

⁸ LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

ṬAP HLA 2:8 ပူးပေါင်းရင်းမြစ်များ

2 SAMUEL 8:2

Chun, Moab mihai a thaw nâwk a, a hnuoiah ân zâltir a, inkhina hruiin ân khih a; tlar hni chu suk- hlum dingin ân khih a, tlar khat chu a tluona hring dingin ân khih a. Chuongchun, Moab mihai chu David siehlawhai an hung ni tah a, thil- pêkhai dâm an hung pêk hlak a.

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

JOB LEKHABU (THE BOOK OF JOB) 13:21

Keimaa inthawkin i kut chu hlatakah la hmang la, I ṭiumna chun mi suklâu ta naw raw se.

ISAI 22:5

LALPA, sipaihai LALPAA in- thawk chun, inlârna ruoma hin buoina le sirdena le lunginzîngna ni a ni sih a; kulpui bang suksietna le tlânghai kona chu.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 34:11

Tuivalawng le sakuin chu ram chu nei lem an tih; chingpirinu le vaâk chutaka chun um an ta; sietna hrui le ruokna dârmumkhai chu a chungah keimar a tih.

ISAI 5:5

Tuhin ka grêp huon chunga ka thaw ding chu hril ka ti cheu; a hling pal chu la hmang ka ta, fâk zoin um a ta, a lung pal chu sukchim ka ta, sirdein um a tih.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a feh a.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, LALPA ta an ni si nawh a.

JEREMIA 52:13

LALPA in le lal in chu a rawh a; Jerusalema in po pohai, in ropui takhai khawm chu meiin a raw tah a.

ṬAP HLA 2:17

LALPA chun thaw a itum chu a thaw tah a; Tienlai nihaia thu a pêk thuhai chu a hung sukpuitling tah a; A pei thlâk tah a, a lunginsiet nawh a; Hmêlmahai chu lâwmin a siem tah a; I hmêlmahai ki chu a chawimawi ta a ni hi.

ṬAP HLA 2:18

An lungril chu LALPA kuomah a khêk a; Aw Zion naunu kul, sûn le zânin mitthli chu vadung angin inluongthlâktir rawh; Sâwldamna chu nang le nang inpe naw la; i mitthli luong chu ma naw raw se.

ṬAP HLA 2:2

LALPA chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm tah a.

ṬAP HLA 2:5

LALPA chu hmêlma ang a hung ni tah a, Israel a lem zo a; A in ropuihai po po a lem zo a, a kul dethai a sukchim a, Juda naunua chun sûnna le lusûnna a sukpung bawk a.

EZEKIEL 20:22

Nisienlakhawm, an mithmua anni ka hung ṭhuoi suokna hnamhai mithmua chun sukhmingsiet a ni nawna dingin, ka hming leiin ka thawh a, ka kut chu ka keitîm tah a.