ṬAP HLA 2:22 - Pathien Lekhabu Inthieng (BSI)

²² Inkhâwmpui hunbi neihai nia angin, “Ka lunginsenna chu kil tinah,” tiin nang chu i khêk a, LALPA lunginsenna nia chun a pumpel amanih, a um zing amanih tukhawm an um nawh: Ka tâwm a, ka dawn tleihai chu ka hmêlma chun a sukbohmang zo tah a.

ṬAP HLA 2:22 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlang- vâlhai dâm kâwlhnâmin an that a, tlangvâl amanih, nunghâkhai ama- nih, upa amanih, tar amani chunga khawm lunginsietna an nei nawh a, chuongchun, an rêng chun a kutah a pêk a.

INPÂKNA HLABU 31:13

Mi tamtak mi hêkna ka hriet sih a, Ka vêla ṭium um chu: An mi phier lai khan, Ka hringna mi lâkpêk an tum a.

ISAI 28:19

A luong tlang po leh la pei a ti cheu a; tûk tin tûk tinin, a sûn a zânin, a luong tlang âwm sih a; thu incha umze hriet chu thil râpthlâk ruok nîng a tih,” tiin.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung nawh a; sukdamna ding huna khawm chun lunginzîngna hmu a nih!

JEREMIA 20:3

A zinga chun; Pas-hur chun Jeremia chu intângna ina inthawk chun a hung ṭhuoi suok a. Jeremia chun a kuomah, “LALPA chun i hming hi Pas-hur a ti naw cheh a, Magor-missabib a ti lem che a nih.

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 44:7

Chuleiin, tuhin LALPA sipaihai Pathien, Israel Pathien chun hieng hin a tih: nangnia inthawka pasal, nuhmei, naute le nene ne lai, Juda rama inthawka mâksan khawm um dêr lo dinga iengdinga in thlarauhai chung ngeia hieng thil ṭha naw hi thaw am in na?

JEREMIA 46:5

Iengtizie am an ta le? An bei- dawng zo a, an hnungtawl tah a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, LALPA chun a tih.

JEREMIA 6:25

Lohaia chun fe suok naw unla, lampuia khawm chun fe naw ro; hmêlma kâwlhnâm le ṭitumna chu sîr tin ela chun a um sih a.

DÂN PAHNINA 28:18

In rila ra dâm, in hnuoi ra dâm, in bâwngpui le in berâm ruol punghai chu ṭawngsephurin um an tih.