ṬAP HLA 2:18 - Pathien Lekhabu Inthieng (BSI)

¹⁸ An lungril chu LALPA kuomah a khêk a; Aw Zion naunu kul, sûn le zânin mitthli chu vadung angin inluongthlâktir rawh; Sâwldamna chu nang le nang inpe naw la; i mitthli luong chu ma naw raw se.

ṬAP HLA 2:18 ပူးပေါင်းရင်းမြစ်များ

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 119:145

Ka lungril po poin ka ko cheh a, Aw LALPA, mi dawn rawh; I thuruothai chu ka vawng ṭha ding annâwm.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet sih a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang sih a,” titu râwl chu a nih.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 1:16

Hieng thilhai lei hin ka ṭap a; ka mit chu tuiin a luong- thla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um tah a.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

HOSEA 7:14

An lungril takin an mi ko nawh a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel sih a.

HABAKKUK 2:11

Banga inthawk chun lung chuhung khêksuok a ta, Thing laia tlungpûm chun a hung dawn ding a ni sih a.