ṬAP HLA 2:13 - Pathien Lekhabu Inthieng (BSI)

¹³ Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

ṬAP HLA 2:13 ပူးပေါင်းရင်းမြစ်များ

2 SAMUEL 5:20

Chuongchun, David chu Baal- perazima chun a feh a, chutaka chun David chun anni chu a hneh a, “LALPAIN ka hmêlmahai chu tuiting inṭhe ang elin ka hmaah a mi sukdarpêk tah,” a ta. Chuleiin, chu hmun hming ding chun Baal-perazim ân bûk a.

2 LALHAI 19:21

Hi hi a chungchâng thu LALPA- IN a hril chu a nih, ‘Zion naunu nunghâk chun a hmusit cheh a, a nuisan che a nih; Jerusalem naunu chun a lu a thin khum bawk cheh a.

INPÂKNA HLABU 60:2

Hi ram hi i sukthin a, i sukkak tah a, A kakhai chu siemṭha nâwk la, ân hnîng ân hnîng sih a.

ISAI 37:22

hi hi a chungchâng thu LALPA- IN a hril chu a nih: Zion naunu nunghâk chun a hmusit cheh a, a nuisan che; Jerusalem naunu chun a lu a thin khum che.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung nawh a; sukdamna ding huna khawm chun lunginzîngna hmu a nih!

JEREMIA 8:22

Gileada hin thinghnai damdawi a um naw maw? Chutaka chun dam- dawi thiem mi an um naw maw? Chuong a ni chun ieng dinga ka chi- puihai naunu chu sukdam a ni nâwm a na?

JEREMIA 9:18

hung inhmaw hai sienla, ei ta dingin ṭapinrûm raw hai se, ei mithai chu mitthlia a far theina ding le, ei mitvunhai chun tui a phusuok theina dingin.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, LALPAIN a lunginsenna ṭium nia a mi sukrinumna ang hi.

EZEKIEL 32:31

Pharao chun anni chu hmûng a ta, a mipuihai po po chunga chun ama chu thlamuong a tih; Pharao le a sipai pâwl kâwlhnâma thata lo um tahai po po ngei kha, Lalpa PATHIEN chun a tih.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.