ṬAP HLA 2:10 - Pathien Lekhabu Inthieng (BSI)

¹⁰ Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

ṬAP HLA 2:10 ပူးပေါင်းရင်းမြစ်များ

2 SAMUEL 13:19

Chun, Tamar chun a lua chun vut a phul a, zakawfuol ze tum tuma ṭiel a hâk chu a keithlêr a, a lusîpah a kut a sui a, inringtaka ṭap malam peiin a fe tah a.

ISAI 15:3

An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 36:22

Chuongchun, lal sûnghai chunga hotua um Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu silfên keithlêr inbelin Hezekia kuoma chun an hung tlung a, Rabsake thuhrilhai chu an hril tah a.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; LALPA chunga chun thil ei lo suksuol ta leiin, LALPA ei Pathien chun bohmangnaa um dingin a mi sie tah a, tûr pawl tui chu dâwn dingin a mi pêk tah a.

ṬAP HLA 1:1

Iengtiziea khawpui khânga mi- puia sip kha khawsâwta ṭhung el am an tah a! Hnamhai laia khânga ropui kha, iem a tih a hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

ṬAP HLA 3:28

Ama chunga chun ân nghatpêk ta leiin, mâkhâtin ṭhung sienla, to zing raw se.

ṬAP HLA 4:16

LALPA lunginsenna chun anni chu a ṭheh a, ngaisak nâwk ta naw ni; Thiempu mi nina chu an inza nawh a, upahai khawm an ditsak bawk nawh.

ṬAP HLA 4:5

Dutuitaka fâk zawng hlaktuhai kha, kawtthlêrhaia bohmangin an um a; Sen inlâra enkawl tleihai khawm khan êkdûr chu an pawm a.

ṬAP HLA 5:12

Lal nauhai chu an kut ngeiin an khâi hlum a; Upahai hmâi inzâna hrim a um nawh.

ṬAP HLA 5:14

Upahai chun dai kawtkhâr an rielsan a, Tlangvâlhai chun an rimawihai chu an tâwpsan a.

EZEKIEL 27:30

An râwlhai chu i chunga hriet dingin siem an ta, Lungna takin ṭap an tih. Chun, an lu chunga chun pilvutin inthêkhum an ta, Vuta chun anni chu inbuol an tih.

EZEKIEL 27:31

I ta dingin invâwkawl an ta, saiip puonin inthuom an ta, Rinumtitaka sûna, lungrila natitakin ṭâng an ti che!

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lu- kâwkna um a tih.

JOEL 1:8

Nunghâkin saiip puon bil a, a ṭhat- lai pasal a sûn angin ṭap rak rak ro.

AMOS 5:13

Chuongchun, mi var chu chuong ang huna chun to zing a ta, hun ṭha naw a ni leiin.

AMOS 8:13

Chu nia chun nunghâk ṭha le tlangvâlhai chu dangchârin thidang an ta,

AMOS 8:3

Lalpa PATHIEN chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

JONA 3:6

Chuong thu chu Ninevi khaw laltak nahrietah a hung tlung tah a, a lalṭhungphaa inthawk chun a tho a, a lal puon chu a hlîp thlâk a, saiip puon a sil a, vut lai a ṭhung tah a.

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

THUPUONGSUO 18:19

Chun, ṭap le lungngai pumin, ‘A muk leia tuisuorieta lawng neituhai hausakna khaw ropui chu, a chung a rik ie, a chung a rik ie! Dârkâr khat chauah teplo a hung ni ta hi!’ tia khêkin an luah pilvutin an theh a.