ṬAP HLA 1:9 - Pathien Lekhabu Inthieng (BSI)

⁹ A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 1:9 ပူးပေါင်းရင်းမြစ်များ

2 SAMUEL 16:12

LALPA chun ka rimsikzie hi hung hmûng a ta. LALPA chun vawi- sûna hienga ṭawngsie a mîn phur hi a ṭha tiengin a mi hung thung el khawm a ni thei a nih,” a ta.

2 LALHAI 14:26

LALPAIN Israelhai rinumzie chu a nasa êm êm a nih ti a hriet sih a; khuokhir le khir nawhai khawm an um chuong si nawh a; Israelhai ṭhangpuitu ding tukhawm an um bawk nawh.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suk- langtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai nawh rawh.

INPÂKNA HLABU 119:153

Ka rimsikzie hi ngaituo la, mi sanhim rawh, I dân chu ka theinghil ngai si nawh a.

INPÂKNA HLABU 140:8

Aw LALPA, mi rilo dit zâwng- hai chu phal naw la, An ngaituona suol chu inpui- tlingtir naw rawh; Chuong naw chun inchawimawi rawi an tih,” ka tih a.

INPÂKNA HLABU 25:18

Ka rinumzie le ka tuorzie hi ngaituo la, Ka suol po po mi ngaidam rawh.

INPÂKNA HLABU 69:21

Ka bu dingin thil kha an mi pêk nâwk nghâl a, Ka dang a châr hlakin uoin thûr dâwn dingin an mi pêk a,

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 3:7

Chun LALPA chun, “Aiguptaa ka mihai rimsikzie chu feltakin ka hmuh a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

FESUOKNA 4:31

Mipui chun an ring tah a: LALPA chun Israel thlahai chu a hung sir tah a, an rimsik tuorna chu a hmu tah ti an hriet chun, an luhai an kûn a, chibai an bûk tah a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmuh a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêk- sâwrtuhai tienga chun thilthaw- theina a um a, nisienlakhawm, anni chun thlamuontu hrim an nei nawh.

ISAI 3:8

A ropuina mit chu suknuor dinga an ṭawng le an thilthawhai chu LALPA do tieng a ni leiin Jerusalem chu a se zo a, Judahai chu an tlu zo tah a nih.

ISAI 37:17

Aw LALPA, i na hung sit la, ngai ta; aw LALPA, i mit meng la, en ta; Pathien hring hi hrilse dinga mihai tirtu Sennakerib thuhai po po hi ngai ta.

ISAI 37:23

Tu am i sukhmingsietin, i hril- siet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu LALPA i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a tih a,” an ta.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

ISAI 47:7

Chun, “Kei hi kumkhuoin lal- nuah um ka tih,” i tih a; chuongchun, chuong thilhai chu i lungrilin i ngaituo nawh a, a tâwpna ding hlak chu i hriet zing bawk nawh a.

ISAI 51:19

Hieng thil pahni hin a bur ta che hi; tuin am a ṭhangpui ding che a na? Rausanna le sietna dâm, ṭâm le kâwlhnâm dâm hin; iengtin am thlamuon ka ti cheh a?

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitak- haiin rem ka ta, i lungphûmhai chu sapphir lunghaiin rem bawk ka tih.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûn- puina nohai chu pe bawk naw ni hai.

JEREMIA 2:34

I fênthuoa khawm mi rimsi, pawitâwklohai thisen chu hmu a ni si a; an rawk laitaka man si loin. Hieng po po bâka hin nang chun,

JEREMIA 48:26

“Ama chu vairui ta u, LALPA chu dodâlin ama le ama ân chawi- mawi sih a; Moab chu ama luoka ngei chun inbuol a ta, ama chu mi hrilin- sîm hung ni bawk a tih.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tu- khawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; LALPA chungah, Israel Mi Inthieng chunga chun a lo chapo ta sih a.

ṬAP HLA 1:17

Zion chun a bânhai a phar vêl a, ama thlamuongtu ding tukhawm an um nawh, LALPA chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk tah a; Jerusalem chu anni laia chun thil thiengnaw ang a lo ni tah.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i phuong ta chu la hung intlungtir i ta, anni khawm keia ang bawk nîng an tih.

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

ṬAP HLA 5:1

Aw LALPA, kan chunga thil hung tlung hi hre zing rawh; Ngai la, kan muolphona hi en ta.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

ZEPHANIA 2:10

Sipaihai LALPA mihai chunga chun anni chu an insuklienin, anni chu an lo hrilsiet ta leiin hi thil hi an chapopui dingin an hmu ding a nih.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

DÂN PAHNINA 26:7

Chuongchun, LALPA kan pi le puhai Pathien chu kan ko a, LALPA chun kan rawl chu a lo hriet a, kan rimsikzie dâm, kan sin inrimzie dâm, nêksâwr kan nizie dâm a hriet a.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi LALPA ithaw a ni tawp nawh,’ hmêlma lunginsen chun tîng an tih ti ṭi naw lang chu.

DÂN PAHNINA 32:29

Aw, var hai sien chu hieng hi hrethiem an ta, An hihnung thil ding an ngaituo ding bah.

1 PETER 4:17

Rorêlna chu Pathien sûnghaia hin ṭan a hun ta sih a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?

1 SAMUEL 1:11

Chun, thu a tiem a, “Aw sipaihai LALPA, i suoknu tlâwmzie hi i hriet tak meu a, i mi hriet zing a, i suoknu hi i mi theinghil nawh a, i suoknu hi naupasal i pêk chun a dam sûng po chu LALPA pe ve thung ka ta, a lu khawm vâw hrim hrim ni naw ni,” a ta.