ṬAP HLA 1:7 - Pathien Lekhabu Inthieng (BSI)

⁷ Jerusalem chun sukrinuma a um nihaia le, a rimsik nihaia chun, a hriet zing, A tienlai inhawitirna po po kha; A mipuihai chu hmêlma kuta an tlûk lai chun an ṭhangpui nawh a, Hmêlmahai chun an hmuh a, râusana a umnaa chun an nuisan a.

ṬAP HLA 1:7 ပူးပေါင်းရင်းမြစ်များ

JOB LEKHABU (THE BOOK OF JOB) 29:2

“Aw thla hlui tahaia ang khan um la ni lang chu aw, Pathienin a mi vêng lai nihai anga khan;

INPÂKNA HLABU 42:4

Hieng thil hi ka hriet zing a, ka hringna hi ka sûngah ka bunthlâk a, Mipui laia ka feh a, hlimna le inpâkna ri leh, mi tamtak ruoiṭhe, Pathien biekin pana an hma ka ṭhuoi hlakzie ang dâm kha.

INPÂKNA HLABU 77:3

Pathien ka hriet zing a, ka buoi hlak; Ka ngaituoh a, ka thlarau hi a châu hlak.

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusa- lem chu hmun râusanah a hung inchang ta hi.

ISAI 64:11

Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng sih a.

JEREMIA 37:7

“LALPA Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nang- ma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 48:27

Nanga ta ding chun Israel chu hrilinsîm a ni naw am a nih? Inruhai lai hmu a ni am a nih? Ama thu chu i hril poleh, lu i lei el sih a.

ṬAP HLA 4:17

Ei ṭhangpuina thlâwn ennain ei mithai a kham zo a, Ei nghâknaa chun hnam sandam thei lo ding chu ei nghâk a.

EZEKIEL 25:3

Ammon thlahai kuoma chun hieng hin hril la, Lalpa PATHIEN thu chu lo ngai unla, Lalpa PATHIEN chun hieng hin a ti a nih: Ka hmun inthieng chu sukhmingsiet a ni laiin le, Israel ram chu râusan a ni laiin le, Juda sûngkuo chu sala an intâng lai khan, ‘I hih,’ i lo ti tâk lei khan;

EZEKIEL 25:6

Lalpa PATHIEN chun hieng hin a ti sih a; Israel ram chunga hin i lungrila hmusitna po po leh i lo lâwm tah a, i kehai i lo tet a, i kuthai i lo ben tâk leiin;

HOSEA 2:7

Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

MIKA 4:11

Tuhin hnam tamtak chu nang- ma doin an inkhâwm a, “Sukpawr- chein um sienla, ei mit hin Zion chunga a châk zâwng chu hmu raw se,” an tih a.

LUKA 15:17

“Chun, ân hriet suok phingleh, ‘Ka pa kuoma inhlâwfahai bu fâk sêng loa nei an tam vei leh, kei hlak chu hitaka hin phîngṭâmin ka thi ding a ni sih a!

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmuh a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.