ṬAP HLA 1:20 - Pathien Lekhabu Inthieng (BSI)

²⁰ Ngai ta, aw LALPA, rimsiin ka um hi; ka phîng chu a buoi a; Ka lung chu ka sûnga chun ân her a, khawhlotakin ka lo hel ta sih a; Kawtthlêra chun kâwlhnâm chun a sukfahrah a, ina chun thina a um a.

ṬAP HLA 1:20 ပူးပေါင်းရင်းမြစ်များ

JOB LEKHABU (THE BOOK OF JOB) 30:27

Ka lung ân phu hlawp hlawp a, a châwl nawh a; Rimsikna nihai chu ka chungah a hung tlung a ni ta hi.

JOB LEKHABU (THE BOOK OF JOB) 33:27

Mihai hmaa chun hla sak tâng a ta; ‘Ka lo suksuol tah a, ân dik chu ka lo fe hmangsan tah a, Anachu a mi hung thung kher nawh a:

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 38:8

Ka chau a, ka sil ûr a, Ka lungril inhawi nawna leiin kân rûm rak rak a,

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 16:11

Chuleiin, ka rîhai chu Moab lunginsiet leiin ṭingṭang angin ân rih a, ka phîng sûng chu Kirheres lungin- siet leiin ṭingṭang angin ân ri bawk a.

ISAI 38:14

Pelêu amanih, vakâwl amanih angin kân hrâm kân hrâm a, Vaṭhu angin kân rûm kân rûm a, chungtieng thlîrnain ka mit ân vai zo tah. Aw LALPA, nêksâwra ka um hi, nang chun a bul mi tumpêk la.

JEREMIA 14:18

Ramhnuoiah ka va fe leh, kâwl- hnâma thihai hmu a na! khawpui sûng ka lût leh, ṭâmnaa na tuorhai hmu a na! zâwlneihai le thiempuhai chu ram sûnga chun an invâk vêl a, hrietna nei si loin,” tiin.

JEREMIA 14:20

Aw LALPA, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta sih a.

JEREMIA 2:35

‘Pawitâwklo ka nih; matheiloin i lunginsenna chu keimaa inthawkin inkieng ngei a tih,’ i tih a. Ngai ta, ‘Ka suksuol nawh’ i ti lei chun i chungah ro ka rêl ding a nih.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 48:36

Chuleiin, Moab ta dingin ka lung chu theihle angin ân rih a, Kir- heresa mihai ta dingin ka lung chu theihle angin ân ri a nih; chuleiin, tamtak a ihmu tahai khawm chu a bohmang tah a nih.

ṬAP HLA 1:11

A mihai po po chu an thuok dawngin bei an zawng a, An thil hluhai chu an hringna sukhrâtna dingin bu manah an pêk a; Aw LALPA, ngai la, en ta, hmusitum ka lo ni ta hi.

ṬAP HLA 1:18

LALPA chu a fel a nih; a thupêk dodâlin ka hel sih a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâl- hai chu salah an fe tah a.

ṬAP HLA 1:8

Jerusalem chu lungngaithlâk- tak elin a lo suol tah a; chuleiin, thil thieng naw ang a hung ni tah a; A saruokna chu an hmu leiin, ama lo inza hlaktuhai po po khawm khan an hmusit tah a; Anih, ân rûm a, nawtieng a nghah a.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 5:16

Kan lua inthawk lallukhum chu a tlah a, Kan chung a va rik de! kan lo suol ta sih a.

EZEKIEL 7:15

“Kâwlhnâm chu puotieng a um a, ṭâmna le hripui chu sungtienga chun a um a; loa um chu kâwlhnâmah thîng a ta, khawpui sûnga um chu hripui le ṭâmna chun fa zo a tih.

DANIEL 9:5

kan lo suol tah a, indiklotakin kan lo thaw tah a; khawhlotakin kan lo thaw tah a, kan lo hel tah a; i rorêlnahai le thupêkhaia inthawka lo inher hmangin;

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.