ṬAP HLA 1:2 - Pathien Lekhabu Inthieng (BSI)

² Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 1:2 ပူးပေါင်းရင်းမြစ်များ

JOB LEKHABU (THE BOOK OF JOB) 6:15

Ka unauhai chun vadungtê angin khawhlotakin an thawh a, Vadung tui inrelhmang hlakhai ang el chun.

JOB LEKHABU (THE BOOK OF JOB) 7:3

Thla teplohai chu hmang dinga siem ka na, Zân tuorhlaumtakhai chu ka ta dinga ruot a ni tah a.

INPÂKNA HLABU 126:5

Mitthli tla puma tûtuhai chun hlimtakin sîk an tih.

INPÂKNA HLABU 31:11

A mi dotuhai leiin ka hming hi a hung se tah a, Anih, ka vênghai lai khawm nasatakin a se tah a nih, ka hmêlhriethai ta ding khawm- a ṭiumtak ka lo ni tah a: Khawlaia mi hmutuhai khan an mi tlânsan ta sih a.

INPÂKNA HLABU 6:6

Kân rûmnain ka châu tah, Zân tin ka zâlna chu tuiah ka suklâng a; Ka khum chu ka mitthliin ka sukhu hlak.

INPÂKNA HLABU 69:21

Ka bu dingin thil kha an mi pêk nâwk nghâl a, Ka dang a châr hlakin uoin thûr dâwn dingin an mi pêk a,

THUVARHAI 19:7

Mi pasie chu a unauhai po poin an theida a, A ruolhai lem chun ieng ang khieua hla am an fe san ding chu! Thuhaiin anni a hnawt pei a; nisienlakhawm, an fe hmang tah.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 2:25

I keah kekawk bun loin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hma- ngai a, anni hnung chu zui el ka tih’ i tih a.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 4:30

Chun, nang suksieta um, ieng am thâwng i ta? Sen inlârin inthuom la khawm, rângkachak thuomhnaw- haiin inchei la khawm, i mithai khawm chu rawnga nâlin suklien la khawm; nang le nang în sukhmêlṭha thlâwn el nîng a tih; i hmangaihai chun an hnâwl cheh a, i hringna lâk an tum a nih.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang tah a, An hringnahai sukhrât dinga bu an zawng lai chun.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i phuong ta chu la hung intlungtir i ta, anni khawm keia ang bawk nîng an tih.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

EZEKIEL 16:37

ngai ta, chuleichun, i hmangai- hai po po chu ko khâwm ka ta, inhawi i lo chênpuihai po po le, i lo hmangai tahai po po le, i lo theida tahai po po le chun, kil tina inthawkin, i chungah hung ṭhuoi khâwm ka ta, i saruokna po pohai chu an hmu theina dingin an kuoma chun i saruokna chu hâwk ka tih.

HOSEA 2:7

Chun, a dit zâwnghai chu hnawt a ta, Hnawt phâk naw nih. Anni chu zawng a ta, hmu naw nih; Chuongchun, Ka pasal hmasa kuomah kîr nâwk ka tih. Tulai nêk hin kha hma kha ka ta dingin a ṭha lem si, tîng a tih.

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.

THUPUONGSUO 17:13

Chuongchun, thu hmunkhatin an thilthawtheina le thuneina chu sahrâng pêng an tih.

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.