ṬAP HLA 1:16 - Pathien Lekhabu Inthieng (BSI)

¹⁶ Hieng thilhai lei hin ka ṭap a; ka mit chu tuiin a luong- thla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um tah a.

ṬAP HLA 1:16 ပူးပေါင်းရင်းမြစ်များ

INPÂKNA HLABU 106:42

Anni dotuhaiin an nêksâwr a, An kut hnuoia chun suktlâwmin an um tah a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 69:20

Mi mi hrilsietna hin lungriem- in a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmuh a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêk- sâwrtuhai tienga chun thilthaw- theina a um a, nisienlakhawm, anni chun thlamuontu hrim an nei nawh.

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitak- haiin rem ka ta, i lungphûmhai chu sapphir lunghaiin rem bawk ka tih.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 15:5

Aw Jerusalem, tuin am i chungah lunginsietna nei a ta? Tuin am an sûn ding che a ni leh? Annawleh, i ham- ṭhatna ding thu hni dingin tu am hnungkîr an ta?

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:10

An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

JEREMIA 9:21

Thina chu ei tukverhaia chun a hung a, ei in ropuiahai chun a hung lût sih a; kawtthlêra inthawka tlang- vâlhai le, puotienga inthawka nau- panghai chu sâtthla dingin.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 2:18

An lungril chu LALPA kuomah a khêk a; Aw Zion naunu kul, sûn le zânin mitthli chu vadung angin inluongthlâktir rawh; Sâwldamna chu nang le nang inpe naw la; i mitthli luong chu ma naw raw se.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!