ṬAP HLA 1:13 - Pathien Lekhabu Inthieng (BSI)

¹³ Chungtienga inthawkin ka ru sûngah mei a hung tir a, anni chu a hne tah a, Ka kehai ta dingin lên a phah a, a mi keikîr tah a; Râusanah a mi siem a, chauin ka um ni tin a.

ṬAP HLA 1:13 ပူးပေါင်းရင်းမြစ်များ

JOB LEKHABU (THE BOOK OF JOB) 18:8

Ama kehai ngei chun lêna chun a âwk a; Châng chunga chun a fe sih a.

JOB LEKHABU (THE BOOK OF JOB) 19:6

Pathien chun ka chungthuah tuhin a mi pei thlâk tah a, A lên chun a mîn khum tah ti hre ro.

JOB LEKHABU (THE BOOK OF JOB) 30:30

Ka vun chu a hung dum a, keimaa inthawkin ân khawk a; Ka ruhai chu lumin a kâng bawk a.

INPÂKNA HLABU 129:5

Anni chu muolpho le intlânsiettirin um raw hai se, Zion theidatuhai po po chu.

INPÂKNA HLABU 140:5

Mi chapohai chun ka âwkna dingin châng an kam rûk a, hruihruolhai leh; Lampui sîra chun lên an phah a, Ka âwkna dingin chânghai an kam a.

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 31:10

Ka dam sûng hi lungngainain a liem ta sih a, ka kumhai hi inrûmin a liem ta bawk a nih. Ka rîtlona leiin ka tha a ṭhum a, ka ruhai khawm a rawp zo tah a.

INPÂKNA HLABU 35:4

Ka hringna sukbo tuma zawngtuhai chu, sukmuolphoa sukzakin umhai sienla, Mi suksietna ding ngaituotuhai chu intlânsiettirin thuokdawngtakin um raw se.

INPÂKNA HLABU 38:8

Ka chau a, ka sil ûr a, Ka lungril inhawi nawna leiin kân rûm rak rak a,

INPÂKNA HLABU 66:11

Nangin lênah i mi ṭhuoi lût a, Kan kâwnga hin phur riktak chu în nghat a.

FESUOKNA 12:9

A selin amanih, tuia suongin amanih fa naw unla, em hmin lem ro; a lu le a kehai le a sûnghai le chun.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

ṬAP HLA 1:22

An khawhlonahai po po chu i hmaa chun hung tlung sienla, Ka bawsietnahai po po leia ka chunga i thaw ang khan an chunga khawm thaw ve rawh. Ka thuokdawngnahai chu tamtak an na, ka lungril khawm a chau a nih.

ṬAP HLA 3:11

Ka lampuihai chu a herkâwi a, a mi keinâwi vawng a; râusanin a mi siem tah a.

ṬAP HLA 5:17

Hi lei hin kan lungril chu a chau a; Hieng thilhai lei hin kan mithai chu ân thim a.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldai- hai ram Babulona chun ṭhuoi ka ta; chutaka chun thi ding ni sien khawm, hmu chu hmu naw ni.

EZEKIEL 17:20

Chun, a chunga chun ka lên chu keiphar ka ta, ka chânga chun ama chu âwk a ta, ama chu Babulonah hung ṭhuoi ka ta, chutaka chun a bawsietna, ka chunga a lo bawsietna chu a kuomah phût ka tih.

EZEKIEL 32:3

Lalpa PATHIEN chun hieng hin a ti a nih: Hnam tamtakhai pâwlhai le chun i chungah ka lên hung keiphar kan ta, Ka lêna chun hung fûn dawk kan ti che.

HOSEA 7:12

An fe chu an chungah ka lên hei dêng ka ta, Chunglêng vate man angin man ka tih; An thil suol thaw ang huin anni hrem ka tih.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

DÂN PAHNINA 28:65

Chuong hnamhaia inthawk chun sâwldamna hrim hrim hmu naw ti niu a, in ke ta dingin châwlna hrim hrim um naw bawk a tih; chutaka chun LALPAIN inthinna lungril dâm, mit châuna dâm, nguina lungril dâm pe lem a ti cheu a,

2 THESSALONIKA 1:8

Pathien hre naw mi le ei Lalpa Isu Chanchin Ṭha awi lo mihai chunga phuba lâk chu.

HEBRAIHAI 12:29

ei Pathien hi mi kâng bohmang mei a ni sih a.