ṬAP HLA 1:11 - Pathien Lekhabu Inthieng (BSI)

¹¹ A mihai po po chu an thuok dawngin bei an zawng a, An thil hluhai chu an hringna sukhrâtna dingin bu manah an pêk a; Aw LALPA, ngai la, en ta, hmusitum ka lo ni ta hi.

ṬAP HLA 1:11 ပူးပေါင်းရင်းမြစ်များ

2 LALHAI 6:25

Chun, Samari khuoa chun ṭâm a nasa êm el a; ngai ta, an inhuol tlat a, sabengtung lu hi tangka sâwm- rietin an zawr a; chun, vaṭhu êk hi kab hmun lia ṭhea hmun khat tangka pangaah an zawr hiel bawk a.

JOB LEKHABU (THE BOOK OF JOB) 40:4

“Ngai ta, kei iengkhawplo hin ieng tin am dawn ka ti che a? Ka kutin ka bau hup el ka tih.

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

JEREMIA 15:19

Chuleichun, LALPA chun hieng hin a tih: I hung kîr chun, ka hmaa i ngîr theina dingin hung ṭhuoi nâwk ka ti che; mi suolhaia inthawka thil hluhai i lâk suok chun, ka bau ang nîng i ta; anni chu i kuomah hung kîr an ta, nang ruok chu an kuom tieng kîr naw ti nih.

JEREMIA 19:9

Chun, an naupasalhai le an nau- nuhmeihai sahai chu infâktir ka ta; mi tin chun, inhuolnaa le chârchil- naah, an hmêlmahai le an hringna zawngtuhaiin an chârchilnaa chun, mâni ruolhai sa chu fa tâwl an tih.

JEREMIA 38:9

“Ka lalpa, lal, hieng mihai hin zâwlnei Jeremia chunga an thil- thawhai po poa hin thil ṭha naw an thaw a nih, ama chu khurthima chun an peilût a; chutaka chun ama chu phîngṭâma thi el âwm a nih; khawpui sûnga hin bei dang hrim a um ta naw leiin,” a ta.

JEREMIA 52:6

A thla linaa, chu thla ni kuo ni chun khawpui sûnga ṭâmna chu a nasa ta êm êm a; chu rama mipuihai ta ding chun bei hrim a um ta nawh a.

ṬAP HLA 1:8

Jerusalem chu lungngaithlâk- tak elin a lo suol tah a; chuleiin, thil thieng naw ang a hung ni tah a; A saruokna chu an hmu leiin, ama lo inza hlaktuhai po po khawm khan an hmusit tah a; Anih, ân rûm a, nawtieng a nghah a.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 2:12

An nuhai kuoma chun, “Bu le uoin khâwlai am a um a?” an tih a, Khawpui kawtthlêrhaia hliem anga an inkawn el lai le, An thlahai chu an nuhai ângsûnga an hringna a ṭuoi ral lai chu.

ṬAP HLA 2:20

En ta, Aw LALPA, ngai ta, hienga an kuoma i thawnahai hi! Nuhmeihai chun an rîla ra, nau- panghai, kuta tâwma umhai chu, an fâk el ding maw? LALPA hmun inthienga chun zâwlnei le thiempu chu that an ni el ding maw?

ṬAP HLA 5:1

Aw LALPA, kan chunga thil hung tlung hi hre zing rawh; Ngai la, kan muolphona hi en ta.