ṬAP HLA 1:1 - Pathien Lekhabu Inthieng (BSI)

¹ Iengtiziea khawpui khânga mi- puia sip kha khawsâwta ṭhung el am an tah a! Hnamhai laia khânga ropui kha, iem a tih a hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:1 ပူးပေါင်းရင်းမြစ်များ

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwm- manhai an hung chawi hlak a, Solomon dam sûng po chun a rawng an bâwl hlak a.

2 LALHAI 23:33

Chun, Pharao-Neko chun Jeru- salema rorêl thei ta lo dingin Hamath rama Ribla khuoah ân tângtir a; chun, an ram chu tangka talent za khat le rângkachak talent khat ân chawitir a.

2 LALHAI 23:35

Chun, Jehoiakim chun tangka le rângkachak chu Pharao chu a pêk phawt a, an ramhai chu Pharao thupêk angin a tangka pe dingin sie ân chawitir ve thung a; Pharao-Neko kuoma pêk dingin mi tin chawi ding tuk zât ang peiin chu rama mihai ta tangka le rângkachak ân chawitir a.

2 CHANCHIN SUINA 9:26

Chun, lal po po vadungpuia inthawka Philistin mihai ram chenin, Aigupta ramri chena umhai chunga chun ro a rêl a.

EZRA 4:20

Vadung râl ram po po chunga rorêltu, Jerusalem vêla khan lal thilthawtheitak takhai an um a; an kuoma chun leiman dâm, ram man dâm, sie dâm pêk a ni hlak a.

NEHEMIA 5:4

“Ei lohai, ei grêp huonhai hrên dinga siein lal kuoma dâm sie chawi dingin sum dâm ei pûk a.

NEHEMIA 9:37

Kan suol leia kan chunga lal dinga i ruothai hlak chun an neinung phah a, kan taksa chunga le kan ranhai chung takngiela khawm an nuom nuomin thu an nei a, kan lunginzîng êm êm el a nih,” tiin.

INPÂKNA HLABU 122:4

LALPA hming inpâk dingin, Chutaka chun hnamhai chu an hang fe hlak, LALPA hnamhai chu, Israelhai kuoma thuinhriettirna dingin.

ISAI 14:12

“Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

ISAI 22:2

Aw khêk ria sip, khawpui sa mur mur, khaw hlimtak, i sûnga an that- hai chu kâwlhnâma that an ni nawh a, indonaa thi an ni bawk nawh.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni sih a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um sih a, hienghai hi khaw taka inthawka hung um am an ni leh?’ tîng i tih,” tiin.

ISAI 50:5

Lalpa PATHIEN chun ka na a mi sukhawngpêk a, kei chu ka hel nawh a, ka ngha kîr bawk nawh.

ISAI 52:2

Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuop- nahai kha sût rawh.

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 54:4

Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.

JEREMIA 40:9

Chun, Saphan naupa, Ahikam naupa Gedalia chun inkhâmin, anni le an mihai kuoma chun a hril a, “Kaldaihai hi an rawng bâwlpêk chu ṭi naw ro; rama chun chêng unla, Babulon lal rawng chu bâwl unla, in ta dingin ṭhâng a tih.

JEREMIA 42:2

zâwlnei Jeremia kuoma chun hieng hin an hril a, “Kan ngên che hi, kan hninahai hi i hmaa chun pawm ni raw se; hieng tuta la mahlahai po po ta ding hin, LALPA i Pathien kuoma chun kan ta dingin ṭawngṭai rawh; i mitin a hmu chie ang hin, tamtak kha tlâwmte chau hi hlain kan um a nih;

JEREMIA 44:2

“Sipaihai LALPA, Israel Pathien chun hieng hin a tih: Juda ram khawpuihai le Jerusalem chunga thil ṭha naw ka hung intlungtirhai po po kha in hmu tah a, ngai ta u, vawisûn ang dâm hin râusan an ni a nih, mi tukhawm an chêng naw a nih;

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

JEREMIA 50:23

Hnuoi chung po po tubau iengtiziea tlieka innawi el am a ni aw! Iengtiziea Babulon chu hnamhai laia chun râusana um el am a ni aw!

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang tah a, An hringnahai sukhrât dinga bu an zawng lai chun.

ṬAP HLA 2:1

Zion naunu chu LALPA chun a lunginsena iengtizie a sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

ṬAP HLA 5:16

Kan lua inthawk lallukhum chu a tlah a, Kan chung a va rik de! kan lo suol ta sih a.

EZEKIEL 26:16

Tuisuorieta lalhai po po chu an lalṭhungphahaia inthawk chun ṭhung thlâng an ta, an lal puonhai chu sieng an ta, an silfên cheimawihai chu hlîp an ta, anni chu inthinnain inthuom tâng an tih; leihnuoi chungah ṭhung an ta, ieng lai khawmin inthin an ta, nangma chu maktîng an ti che.

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher tah a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 5:5

Lalpa PATHIEN chun hieng ang hin a ti a nih: “Hi hi Jerusalem chu a nih, hnamhai laia chun ka sie tah a, ramhai chu a vêlin an um a.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

THUPUONGSUO 18:7

“Ân sukropui le ân hawitirzie ang pei khan sawisain suklungngai thung ro; a lungril chun, ‘Lalnuin ka ṭhung a nih, hmeithai hrim ka ni nawh a, lungngaina hmu dêr naw ningah’, a ti sih a.