RUTH 4:11 - Pathien Lekhabu Inthieng (BSI)

¹¹ Chun, kul kawtkhâra mipui po po le upahai chun, “Hrepuituhai kan nih. I ina nuhmei hung lût chu, Israel sûngkuo indintu pahni Rakil le Leah ang khan LALPA chun siem raw se; chun, Ephrathaa chun tluongtlung- takin um la, Bethlehema chun hminginthangtakin um rawh;

RUTH 4:11 ပူးပေါင်းရင်းမြစ်များ

INṬANNA 23:10

Ephron chu Heth thlahai lai chun a ṭhung ve zing a: chuongchun, Hit mi Ephron chun Heth thlahai hrietah, a khaw kul kawtkhâra lût taphawt hriet ngeia chun Abraham chu a dawn a,

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 29:16

Laban chun naunuhmei pahni a nei a,a upa lem hming chu Leah a nih a, a naupang lem hming chu Rakil a nih.

INṬANNA 29:25

Chun, zîngtieng a hung ni chun Leah a lo ni zing el a; chuongchun, Jakobin Laban kuomah, “Ka chunga i thilthaw hi iengtizie am a nih a? Rakil nei dingin i rawng ka bâwl ni lo am a nih? Iengdinga i mi hlêm am?” a tih a.

INṬANNA 29:32

Chun, Leah chu ân rai a, naupasal a nei a, a hmingah Reuben a sak a: “LALPA chun ka rinumzie a hmu leiin a ni hi; tuhin chu ka pasalin mi hmangai tâng a tih,” a tih a.

INṬANNA 35:23

Leah naupasalhai chu Reuben (Jakob nau lutîr), Simeon, Levi, Juda, Issakar le Jebulun an nih.

INṬANNA 35:24

Rakil naupasalhai chu Josef le Benjamin an nih.

1 LALHAI 21:8

Chuongchun, Ahab hming chun lekha a ziek a, a namna chun a nam a; chun, lekha chu a umna khuoa Naboth tuolbâwm upahai le mi ṭhahai kuomah ân phur a.

1 CHANCHIN SUINA 2:51

Beth-lehemhai thlatu Salma, Beth-gaderhai thlatu Hareph leh an nih.

INPÂKNA HLABU 132:6

Ngai ta, a thu chu Ephrathaah kan hriet a, Rampui phûla chun kan hmu tah a.

THUVARHAI 14:1

Nuhmei var taphawt chun a in chu a bâwl a, Nuhmei invêt ruok chun a kuthaiin a ṭhiek hlak.

THUVARHAI 31:23

Daikawtkhârhaia chun a pasal chu hriet a na, Ram upahai laia a ṭhung lai khawm chun.

JEREMIA 32:10

Chun, thuziek chu suoi ka thawh a, ka nam tah a, chun, hriet- puitu ka ko a, ama chu bûkna chun tangka chu ka bûkpêk tah a.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni sih a, Ka mi Israelhai vêngtu ding chu,’ ti hi,” an ta.

DÂN PAHNINA 25:7

Ama chun a unaupa nuhmei chu nei a nuom naw chun, a unaupa nuhmei chu kul kawtkhârah upahai kuomah hang fêng a ta, ‘Ka pasal unaupa chun Israelhai lai a unau hming chu inumtir pei a nuom naw a, pasal unaupa thaw ding chu ka chungah a thaw nuom nawh,’ a hang ti ding a nih.

DÂN PAHNINA 25:9

a kekawk hlîppêk a ta, a hmaiah chil sâk a ta, ‘A unaupa sûngkuo indin nuom nawtu chunga chun hieng anga thaw hi ni pei raw se,’ tîng a ta, a dawn ding a nih.

RUTH 1:2

Chu mipa hming chu Elimelek a nih, a nuhmei hming chu Naomi, a naupasalhai pahni hming chu Mahlon le Kilion an nih; Juda ram, Bethlehema Ephrath mi an nih. Moab rama chun an feh a, chutaka chun an um ta zing a.