RUTH 4:10 - Pathien Lekhabu Inthieng (BSI)

¹⁰ Chu chau chu ni loin, mithi chu a hming a um zingna dinga rohluotu siempêk dingin le, mithi chu a unau- haia le a umna kul kawtkhâra a hming a bo nawna dingin, Moab nuhmei Ruth, Mahlon nuhmei chu ka nuhmei dingin kân châwk a, vawisûn hin chu hrepuituhai chu nangni hi in nih,” a tih a.

RUTH 4:10 ပူးပေါင်းရင်းမြစ်များ

INṬANNA 29:27

A pakhata inneina chawlkâr chen chu tlingtla phawt la, chun, kum sari dang ka rawng i bâwl nâwk ding chun a dang khawm chu pêng kan ti che,” a tih a.

INṬANNA 38:9

Nisienlakhawm, Onan chun chithla ding chu ama thla a ni naw ding a nih ti a hriet a; chuongchun, a u nuhmei a pâwl po leh a u ta dinga chi thlapêk lo dingin a chi chu hnuoiah a sukthlâk hlak a.

INPÂKNA HLABU 109:15

Chuonghai chu LALPA hmaah um naw sienla, Ama chun anni hriet zingna chu hnuoia inthawka a sukbo theina dingin.

INPÂKNA HLABU 34:16

LALPA hmêl chun thil suk- suoltuhai chu a do hlak a, Anni hriet zingna chu hnuoia inthawka sukbohmang dingin.

THUVARHAI 18:22

Tukhawm nuhmei hmutu chun thil ṭha a hmu a nih, LALPA ditsakna khawm a chang a nih.

THUVARHAI 19:14

In le hausaknahai hi thlatu- haia inthawka rochan an na, Nuhmei var ruok hi chu LALPAA inthawk a nih.

ISAI 48:19

in thlahai khawm ṭieu phaiphin zâta umin, in rîla rahai khawm ṭieu pilvut mal tê tê zât rauin an um ding bah: an hming chu ka hmaa inthawka thaihmangin um naw nih a, sukbo- hmangin um bawk naw ni,” tiin.

HOSEA 12:12

Jakob chu Aram rama chun a tlân hmang a, Israel chun nuhmei man a tuok tah a; Nuhmei man ding chun berâm a vêng a nih.

HOSEA 3:2

Chuongchun, tangka sâwm- panga le buṭei homer khat le a chenvein ama chu kân châwk a;

ZEKARIA 13:2

Sipaihai LALPA chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun LALPA chu thuhretu a ni sih a.

EPHESI 5:25

Pasalhai, in nuhmeihai hma- ngai ro, Kristain kohran a hmangai a, a aia ama ân pêk ang khan,

DÂN PAHNINA 25:6

A nau pasal neipêk hmasa tak chun Israelhai lai a hming a bo nawna dingin a unau thi tahnung hming chu a put ding a nih.

HEBRAIHAI 13:4

Mi po po lai innei hi inzatlâkin um sienla, khum khawm sukpawrche loin um raw se; indithai le uirehai chu Pathienin a ngaituo ding a ni sih a.

JOSUA 7:9

Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.

RUTH 4:9

Boaz chun upahai le mipui po po kuoma chun, “Vawisûn hin nangni hi, Elimelek thil nei po po le Kilion le Mahlon thil nei po po Naomi kuta inthawkin kân châwk tah ti hretuhai in nih.