RUTH 3:14 - Pathien Lekhabu Inthieng (BSI)

¹⁴ Chuongchun, zingkâr chenin a ke thluona chun a zâl tah a, chun tukhawm lân hmu chieng thei hmain a tho a; chun, ama chun, “Hrizâwla chun nuhmei chu a hung ti tu- khawmin hre naw raw se,” a tih a.

RUTH 3:14 ပူးပေါင်းရင်းမြစ်များ

THUHRILTU 7:1

Hming ṭhat chu hriek hlutak nêkin a ṭha lem a; Mi a thi ni chu a pieng ni nêkin a ṭha lem bawk.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:17

Tu suol khawm suolin thung naw ro, mi po po ngaia thil mawi chu ngaituo lâwk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:16

Chuongchun, in ta dinga ṭhatna chu suola hrilin um naw raw se;

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

2 KORINTH 8:21

Lalpa ngai chau ni loin, mihriem ngai khawma thil mawi kan ngaituo bawk hlak a nih.

1 THESSALONIKA 5:22

Suol anga inlang po poa inthawk chun insiekieng ro.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

RUTH 3:15

Chun, “I puon bât kha hung la la dâw rawh,” a tih a. Chuongchun, a dawh a, buṭei chu tekhâwng ruk ân khi suok a, a sung a, ân phurtir a, chun, khuoa chun a fe tah a.