RUTH 1:6 - Pathien Lekhabu Inthieng (BSI)

⁶ Chun, Moab rama inthawkin, LALPAIN a mihai chu kanin fâk ding a pêkzie thu a lo hriet leiin, a mohai pahni leh Moab rama inthawk kîr nâwk dingin ân thawk suok a.

RUTH 1:6 ပူးပေါင်းရင်းမြစ်များ

INṬANNA 21:1

LALPA chun a hril ta angin Sara chu a zu kan a, LALPA chun a tiem ta angin Sara chungah a thawpêk bawk a.

INṬANNA 28:20

Chun, Jakob chun thu a tiem tah a, “Pathien ka kuomah a um a, hi ka fena lampuia hin mi vêng a, fâk ding bei le sil ding silfên a mi pêk a,

INṬANNA 48:15

Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INṬANNA 50:25

Chun, Josef chun Israel thlahai chu ân khâmtir a, “Pathienin hung kan ngei ngei a ti cheu a, ka ruhai hi hitaka inthawkin khitieng in zâwn ngei ding a nih,” a tih a.

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet sih a.

INPÂKNA HLABU 111:5

Ama ṭituhai kuoma chun fâk ding a pêk a, A thuthlung chu kumkhuoin hre zing a tih.

INPÂKNA HLABU 132:15

A fâk ding chu malsâwm rei rui ka ta, A mi rimsihai chu beiin sukkhawp ka tih.

INPÂKNA HLABU 145:15

I thil siem po po mithai chun an nghâk hlak che a nih; Nangin a hun takah an bu i pêk hlak.

INPÂKNA HLABU 146:7

Ama chun nêksâwrna tuorhai ta dingin ro a rêl hlak, Ama chun phîngṭâmhai kuomah bu a pêk hlak. LALPA chun mi intânghai chu ân suoktir hlak.

INPÂKNA HLABU 147:14

I ramri sûnga chun inremna a siem a, Bu ṭhatak chiin a suksip hlak che a nih.

FESUOKNA 3:16

Fe la, Israel upahai chu ko khâwm la, an kuomah, ‘In thlatuhai Pathien, Abraham Pathien, Isak Pathien le Jakob Pathien Jehova chu ka kuomah a hung inlâr a, Ka hung sir ta ngei cheu a, Aiguptaa in chunga thil thawha um tahai chu ka hmu tah.

FESUOKNA 4:31

Mipui chun an ring tah a: LALPA chun Israel thlahai chu a hung sir tah a, an rimsik tuorna chu a hmu tah ti an hriet chun, an luhai an kûn a, chibai an bûk tah a.

THUVARHAI 30:8

Keimaa inthawka hlatakah teplo nina le khêlhlipna hi sawnhmang la, Hausakna amanih, pasietna amani khawm mi pe naw rawh; Keia ta dinga pawimaw bu chun mi châwm lem rawh.

ISAI 55:10

Ruo le vûr chu vâna inthawkin a sûr hlak a, khitienga khin a kîr nâwk ngai nawh a, hnuoi hi a châwm lem a, thil ân mâwngtirin ân dertir a, bu chi thetu kuoma chun bu chi a pêk a, fatu kuoma chun fâk ding a pêk hlak a.

JEREMIA 29:10

LALPA chun hieng hin a ti sih a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JOEL 2:19

LALPA chun a dawn a, a mihai kuomah, “Ngai unla, in kuomah bu dâm, uoin dâm, hriek dâm hung in- tlun ka ta, chuonghaia chun tlai in ta: hnamhai laia chun hrilsietin inumtir nâwk ta naw ning cheu a:

ZEPHANIA 2:7

Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.

MATTHAI 6:11

Vawisûn hin kan fâkkhawpin bu mi pe la,

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

1 TIMOTHE 6:8

Nisienlakhawm, fâk ding le sil ding neiin, chuonga chun lungawi ei tih.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

RUTH 1:5

Chun, Mahlon le Kilion chu an thi ve veh a; chuongchun, chu nuhmei chu a naupasalhai pahni le a pasal chun an thi san tah a.

RUTH 1:7

Chuongchun, a umnaa inthawk chun a mohai pahni le chun a suok a, Juda rama kîr nâwk dingin an fe tah a.

1 SAMUEL 2:21

Chun, LALPA chun Hanna chu a hung sir a, nau a vawn a, naupasal pathum le naunuhmei pahni a nei a. Chun, naupang Samuel chu LALPA hmaa chun a hung inṭhanglien tah a.