RUTH 1:15 - Pathien Lekhabu Inthieng (BSI)

¹⁵ Chun, amanu chun, “En ta, i mo chanpuinu chu a chihai kuoma le a pathien kuoma chun a kîr nâwk tah a, nang khawm i mo chanpuinu zuiin kîr nâwk el rawh aw,” a tih a.

RUTH 1:15 ပူးပေါင်းရင်းမြစ်များ

2 LALHAI 2:2

Chun, Elija chun Elisa kuomah, “Hitaka hin lo um hri rawh, ka ngên che hi, LALPA chun Bethel chena fe dingin a mi tir a nih,” a ta. Elisa chun, “LALPA le nang a hringna sâlin ka hril a nih; um san naw tawp ka ti che,” a ta. Chuongchun, Bethela chun an fe thla ve ve tah a.

INPÂKNA HLABU 125:5

An lampui kâwia pêthai ruok hi chu, LALPA chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan tah a.

ZEPHANIA 1:6

LALPA zuinaa hnungkîrtuhai le, LALPA chu zawng ngai lo a, ama chanchin khawm indawn ngai lohai chu sât thlâng ka tih.”

NAMBAR 10:30

Ama chun a kuomah, “Hung da el ka tih, keini ramah ka laibunghai kuomah fe lem ka tih,” a ta.

LUKA 24:28

Chun, an fena ding khuo chu an hung hnai tah a; chun, ama chu hla deua fe tum angin a um a.

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

JOSUA 24:15

Chun, LALPA rawng bâwl hi ṭha awm nawa in hriet chun vawisûn hin tu rawng am a na in bâwl ding thlang el ro; in thlatuhaiin Vadung râla a rawng an bâwl hlak pathienhai kha am a ni, in ihluo ram Amor mihai pathienhai kha? Kei le ka sûnghai ruok hin chu LALPA rawng a nih kan bâwl ding chu,” a ta.

JOSUA 24:19

Josua ruok chun mipuihai kuoma chun, “LALPA rawng chu bâwl thei naw ti niu, ama chu Pathien inthieng a ni sih a; Pathien thîk- thusie a na, in bawsietna dâm le in suolnahai chu ngaidam naw ni.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni sih a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

RORELTUHAI 11:24

I pathien Kemosin i puola a lo ruotpêk che chu i nei el ding a ni naw am a nih? Chun, LALPA kan Pathien- in kan hmaha a lâkpêkhai chu kan nei ding a nih.

RUTH 1:14

Chuongchun, an râwlhai insuo meuin an ṭap rak rak nâwk a; chun, Orpah chun a tarpinu chu a fâwp a, Ruth ruok chun amanu chu a chel tlat a.

RUTH 1:16

Nisienlakhawm, Ruth chun, “Nang kîrsan ding che le zui lo ding chein mîn fui naw rawh; i fena phawtah fêng ka ta, i riekna phawtah riek ka ta, i chihai chu ka chihai nîng an ta, i Pathien chu ka Pathien nîng a ta;