RORELTUHAI 9:56 - Pathien Lekhabu Inthieng (BSI)

⁵⁶ Abimelek chun a unauhai sâwmsari a that a a pa chunga a thaw dân kawnga a rîtlona kha Pathienin hieng ang hin ama a hung thung ve ta a nih:

RORELTUHAI 9:56 ပူးပေါင်းရင်းမြစ်များ

INṬANNA 9:5

Chun, in thisen, in hringna phuba chu la ngei ngei ka tih; sa tinrêng chunga chun lâng ka tih, mihriem kuoma inthawk khawmin, mi tin an unauhaia inthawk chun, mihriem hringna phuba chu la seng ka tih.

INṬANNA 9:6

Tukhawm mihriem thisen in- suotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem sih a.

JOB LEKHABU (THE BOOK OF JOB) 31:3

Mi fello ta dingin vângduoina, Rîtlona thawtuhai ta dingin sietna a ni naw am a nih?

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

INPÂKNA HLABU 9:12

Thisen insuo suosal hlaktu chun anni chu a hriet zing hlak sih a, Mi rimsihai khêkri a theinghil ngai nawh.

INPÂKNA HLABU 94:23

Ama chun anni suolna ngei chu an chungah ân tlâktir a, Anni ṭhat nawna ngeia chun sukbohmang a ta; LALPA ei Pathien chun sukbohmang a tih.

THUVARHAI 5:22

Mi khawhlo chu ama khaw- hlona ngei chun lâng a ta, A suolna hruihai chun ama khit tlat nîng a tih.

MATTHAI 7:2

In sawisêl ang bawkin sawisêlin um in tih, in inkhina ngai bawka inkhipêk ni nâwk in tih.

THILTHAWHAI 28:4

Chun, chu ram mihai chun thilhring a kuta inkhai zing chu an hmu chun, “Hi mipa hi tuolthattu a ni phawt el, tuisuorieta inthawkin tlân suok sienla khawm, Phuba latu chun a dam a awi ta naw a ni hi,” an ta.

GALATI 6:7

Hlêmin um naw ro; Pathien chu hmusit zie a ni nawh; miin a ithe ang ang, chu bawk chu a sîk ding a ni sih a.

RORELTUHAI 9:24

Chu chu Jerubbaal naupasalhai sâwmsari chunga nunsetaka an thaw leia an chunga phuba lâkna a hung tlung theina ding le, anni thattu an unaupa Abimelek chunga le a unauhai that dinga a kut lo sukhrâttu Sekem mihai chunga an thisen a um theina dingin a nih.

RORELTUHAI 9:55

Chun, Israelhaiin Abimelek chu a thi ti an hriet phingleh, mi tin chu mâni in tieng an fe ta seng a.

RORELTUHAI 9:57

chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla tah a nih.