RORELTUHAI 9:20 - Pathien Lekhabu Inthieng (BSI)

²⁰ chuong ang chu a ni naw ruok chun, Abimeleka inthawk hin mei hung chawk suok sienla, Sekema mihai le Beth-miloa mihai chu kâng zo vawng sienla, Sekem le Beth-milo mihaia inthawk mei hung chawk suok sienla, Abimelek chu kâng zo vawng bawk raw se,” a tih a.

RORELTUHAI 9:20 ပူးပေါင်းရင်းမြစ်များ

INPÂKNA HLABU 140:10

Meilinghai an chungah tla sienla, Meia peiin um hai sienla, An tho nâwk ta nawna dingin khur inthûktakah peiin um raw se.

INPÂKNA HLABU 28:4

An thilthaw ang pei le, an thilthawhai a suolzie ang peiin thung la, An kuta an sinthaw ang peiin thung la; An suol man chu inhmutir rawh.

RORELTUHAI 7:22

Chun, tawtawrâwt za thum chu an mût a, chun, LALPA chun sipaihai po po chu anni le anni kâwlhnâmin ân dotir tâwl tah a; chuongchun, sipai- hai chu Zerera tieng panga Betshit- tah chen, Tabbath kâwla Abel-meho- lah ramri chen an tlânsieh a.

RORELTUHAI 9:15

Hling chun thinghai kuoma chun, ‘In lal dinga hriek mi nâl takzet in ni chun ka hlima hin hung inbi ta unla, in ni naw ruok chun hlinga inthawka mei hung suokin, Lebanon tlânga sidar thinghai chu kâng zo vawng raw se,’ a tih a.

RORELTUHAI 9:19

vawisûn hin Jerubbaal le a sûnghai chunga thaw takzet le fel- taka thaw in ni chun chu, Abimelek chunga hin lâwm ro; chun, ama khawm in chungah lâwm raw se;

RORELTUHAI 9:21

Chun, Jotham chu a tlân hmang a, Beerah a tlân a, a unaupa Abimelek chu a ṭi leiin chutaka chun a um ta zing a.

RORELTUHAI 9:23

Chun, Pathienin Abimelek le Sekema mihai kâra chun lungril suol ân umtir a, Sekema mihai chun Abimelek chunga chun vervêktakin an thaw tah a.

RORELTUHAI 9:44

Abimelek le a pâwlhai chun an lo bawh a, hmatieng an nawr peia khawpui lûtna kawtkhârah an va ngîr a, chun, pâwl hnihai chun phûla umhai po po chu an bawh a, an that tâwl tah a.

RORELTUHAI 9:6

Chun, Sekema mi po po le Beth- miloa mi po po chu an pung khâwm a, Sekema lungphun bul thingsaisuo kâwla chun, Abimelek chu lalah an siem tah a.