RORELTUHAI 8:22 - Pathien Lekhabu Inthieng (BSI)

²² Chuongchun, Israel mihai chun Gideon kuomah, “Nangin kan chung- ah ro rêl ta raw khai, nang le i naupa- salhai le i naupasalhai nauhai chen khawmin; nangin Midianhai kuta inthawk hin i mi sansuok ta sih a,” an tih a.

RORELTUHAI 8:22 ပူးပေါင်းရင်းမြစ်များ

INṬANNA 37:28

Chun, Midian mihai sumdâwng an hung a; chuongchun, Josef chu khura inthawk chu an khai suok a, Ismael mihai kuoma chun Josef chu tangka sawmhniin an zawr tah a, anni chun Josef chu Aiguptaah an ṭhuoi tah a.

JOHAN 6:15

Chuongchun, ama chu lala siem dinga man el tumin an hung ding a nih ti Isûn a hriet a, tlângah ama khât chauin a tumin a fe nâwk tah a.

RORELTUHAI 8:21

Chun, Zeba le Zalmunna chun, “Nang kha hung inthawk la mi hung thaw ta la, patling le patling inthaw ding a nih annâwm,” an tih a. Chun, Gideon chu a tho a, Zeba le Zalmunna chu a that tah a; chun, an sa- nghâwngseihai rînga rîngawrhai chu a lâk a.

RORELTUHAI 8:23

Gideon chun an kuomah, “Kei chun chu in chunga hin ro rêl naw ning ah, ka naupa hlakin in chungah ro rêl naw bawk a tih; LALPAIN in chungah ro rêl lem a tih,” a tih a.

1 SAMUEL 12:12

Chun, Ammon thlahai lal Nahas chu nangni do dingin a hung ti in hriet phingleh ka kuomah, ‘A ni nawh ie, lalin ro mi rêlpêk raw se,’ in tih a, LALPA Pathien chu in lal a ni zing sih a.

1 SAMUEL 8:5

a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si nawh a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.