RORELTUHAI 7:20 - Pathien Lekhabu Inthieng (BSI)

²⁰ Chun, a pâwl thum chun taw- tawrâwt chu an mût a, bêlhai chu an sukhâwp a, an vawitieng chun meiser an chawi a, an changtiengin tawtaw- râwt mût ding chu an chawi a; chun, “LALPA le Gideon kâwlhnâm,” tiin an khêk ta dur dur a.

RORELTUHAI 7:20 ပူးပေါင်းရင်းမြစ်များ

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, LALPA chu chibai bûk an tih.

JEREMIA 47:6

Aw nang LALPA kâwlhnâm, i châwl ṭawk ṭawk hma po chu ieng chen am nîng a ta? nang chu i bâwma chun inthun nâwk el rawh, châwl la, um ṭawk ṭawk rawh.

1 KORINTH 15:52

nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr loa sukdanglamin um vawng tâng ei tih; tawtawrâwt chu ân ri ding a ni sih a; chuongchun, mithihai chu hmawn- theiloa keithoin um an ta, eini khawm sukdanglamin um tâng ei tih.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni loin, Pathien ta a ni thei lemna dingin, chu ro chu pil bêlahai kan kawl a nih.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni sih a; chun, Kristaa thi tahai chu tho hmasâng an tih.

HEBRAIHAI 11:4

Ringnain Abel chun Kaina nêkin inthâwina ṭha lem Pathien kuomah ân hlân a, chu lei chun mi fel a nih ti inhriettirna a hlaw a, Pathienin a thilpêkhai kawnga chun thu ân hriettir a, chun, chu ringna lei chun ama chun thi ta hnungin thu a la hril ta rawp a nih.

JOSUA 6:16

A vawi sarinaa thiempuhaiin tawtawrâwt an hang mût chun Josua chun mipuihai kuoma chun, “Khêk ro khai, LALPAIN khawpui hi a pêk ta cheu a nih.

JOSUA 6:20

Chuongchun, mipuihai chu an khêk a, tawtawrâwthai mût an nih a. Tawtawrâwt ri an hang hriet phingleh, an khêk ta dur dur a, kul chu a chim hmât vawng a; chuong- chun, mi tin chu mâni hma zawn senga chun an feh a, khawpuia chun an lût a, khawpui chu an lâk tah a.

JOSUA 6:4

Chun, thiempu pasariin bâwm hma tieng berâmchal ki tawtawrâwt pasari chawi an ta; chun, a ni sari ni chun khawpui chu vawi sari vêl suok in ta, chun, thiempuhai chun taw- tawrâwthai chu mût an tih.

2 PETER 1:15

Anih, ka fe suok hnunga chuong thil chu in hriet zing rawp theina dingin thâwng ka tih.

RORELTUHAI 7:19

Chuongchun, Gideon le a kuom- a um mi za hai chu zân vêng lailung râlvêng an inthleng hlim lai takin kul tawntir chu an zu tlung a; chun, tawtawrâwt chu an hang mût a, an pil bêl chawihai chu an sukhâwp vawng a.

RORELTUHAI 7:21

Kul vêla chun mi tin mâni ngîrhmun senga chun an ngîr a. Chuongchun, sipaihai po po chu an tlân tah a, chun, an khêk rak rak a, an intlânsiettir tah a.

1 SAMUEL 11:11

Chun, a zînga chun Saula chun mipuihai chu pâwl thumin a siem a; zîng vêng hun lai takin an riekhmuna chun an lût a. Ammon mihai chu sûn nisa sat vânglai tak chenin an that a; an that mahlahai chu an indar vawng a, pahnia um hmunkhat hrim hrim khawm an um dêr nawh a.