RORELTUHAI 6:39 - Pathien Lekhabu Inthieng (BSI)

³⁹ Chun, Gideonin Pathien kuom- ah, “Ka chunga hin lunginsen naw la, vawi khat chau hang hril nâwk ka tih, vawi khat chau berâm hmulin mi sukfiepêk nâwk rawh, tuta ṭum chu berâm hmul chau chu lo hul sienla, hnuoi chung po poa chun dâidaw lo um ve thung raw se,” a tih a.

RORELTUHAI 6:39 ပူးပေါင်းရင်းမြစ်များ

INṬANNA 18:30

Chun, ama chun, “Aw, Lalpa chu lunginsen naw la, hril nâwk ka tih: chutaka chun sâwmthum chau i hmu el rawi mawh,” a ta. Chun, ama chun, “Chutaka chun sâwmthum khawm ka hmu chun sukbohmang naw el ka tih,” a ta.

INṬANNA 18:32

Chun, ama chun, “Aw Lalpa, lunginsen naw la, vawikhat bak hang hril nâwk ka tih; chutaka chun sâwm bak i hmu el rawi mawh,” a ta. Chun, ama chun, “Sâwm lei khawm chun sukbohmang naw ning,” a tih a.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk loa in inruot ta hnung chu, hre ro, Jentailhai kuom tieng ngha ta vêng kan tih.

THILTHAWHAI 22:21

“Chun, ama chun, ‘Fe rawh; hitaka inthawka hlatakah, Jentail- hai kuomah tir lem ka ti che,’ a mi tih a,” a ta.

THILTHAWHAI 28:28

“Chuongchun, Pathien sandam- na thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

RORELTUHAI 6:38

Chuong ang chu a hung ni ngei a, a zînga zingkâr inhmataka a tho a, berâm hmul chu a hmetsâwr chun, berâm hmula mi chu dâidaw berbu khat zet a sâwr suok el tah a.

RORELTUHAI 6:40

Chun, chuong angin chu zân chun Pathienin a hung thawh a; berâm hmul chau chu a lo hul a, hnuoi chung po poa chun dâidaw chu a lo um ta thung a.