RORELTUHAI 6:34 - Pathien Lekhabu Inthieng (BSI)

³⁴ Nisienlakhawm, LALPA thla- rau chu Gideon chungah a hung tlung a, chun, tawtawrâwt a hang mût a; ama zui dingin Abiezrit mihai chu a ko khâwm tah a.

RORELTUHAI 6:34 ပူးပေါင်းရင်းမြစ်များ

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung tah a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si cheh a,” a ta. Chun, David chun anni chu a lâwmlût tah a, sipai pâwl hotuhaiah a siem tâwl tah a.

1 CHANCHIN SUINA 12:19

Saula do dinga Philistin mi- hai le an hung lai khan, Manasse mi ṭhenkhat chu David tienga chun an pakai a; nisienlakhawm, anni chun an lo ṭhangpui nawh a; Philistin mi hotuhai chun, rem- ruotin ama chu an tir hmang a, “A hotupa Saula kuoma hin pakai a ta, ei lu inhmang rawi ei tih,” an ti sih a.

2 CHANCHIN SUINA 24:20

Chun, thiempu Jehoiada naupa Zekaria kuoma chun Pathien thlarau a hung tlung a, mipuihai chunga chun a ngîr a, an kuomah, “Pathien chun hieng hin a tih, ‘Hlawtling thei nâwna pha el dinga iengdinga LALPA thupêkhai chu in bawsiet am a na? LALPA chu in nghatsan leiin ama khawma a nghatsan cheu a ni hi,’ tiin,” a ta.

INPÂKNA HLABU 51:11

I kuoma inthawk hin mi peihâwn naw la, I Thlarau Inthieng hi mi lapêk naw rawh.

NAMBAR 10:3

Chu chu an mût pha chun mipui po po chu i kuomah intuokna puon in kawtkhâr bulah an hung inkhâwm vawng ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

GALATI 3:27

Nangni laia Kristaa baptisma chang phawthai kha Krista chun in inthuom ta sih a.

JOSUA 17:2

Chun, chanpuol chu Manasse thlahai dang po po, an sûngkuo izir ang peiin, Abiezer thlahai, Helek thlahai, Asriel thlahai, Sekem thla- hai, Hepher thlahai le Semida thlahai ta ding dâmin pêk a nih; chuonghai chu an sûngkuo izir ang peia Josef naupa Manasse thla pasalhai chu an nih.

RORELTUHAI 13:25

Chun, Zora le Estaol inkâra Mahane-dana chun LALPA thlarauin ama chu a khîkhar ṭan tah a.

RORELTUHAI 14:19

Chun, LALPA thlarau chu a chungah nasatakin a hung tlung a, chun Askelonah a zu feh a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk tah a. Lungsen êm êmin a pa in tieng a kîr nâwk tah a.

RORELTUHAI 15:14

Lehi hmun a hung tlung chun, Philistin mihai chun an lo tuok a, an lo khêk dur dur a; chun, LALPA thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni tah a, a khuopnahai chu a kuta inthawk chun a tla ta tawp el a.

RORELTUHAI 3:10

LALPA thlarau chu a chungah a hung a, chuongchun, Israelhai ro chu a rêlpêk tah a; râl do dingin a vân thawk a; chun LALPAIN Mesopota- mia ram lal Kushan-risathaim chu a pêk a; Kusan-risathaim chu a hneh a.

RORELTUHAI 3:27

Chu hmun chu a va tlung chun, Ephraim tlâng rama chun taw- tawrâwt a mût a; chun, Israel thlahai chu tlâng rama inthawk chun a kuomah an zuk feh a, ama chun an hma chu a ṭhuoi tah a.

RORELTUHAI 6:11

Chun, LALPA vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

RORELTUHAI 8:2

Ama chun an kuomah, “Nangni nêkin tuhin ieng am ka thaw bîk leh? Abiezer mihai grêp lo nêk chun Ephraim mihai grêp hmu ṭhel zawng hi a nasa lem ni lo am a nih?

1 SAMUEL 10:6

chun, LALPA thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung tah a, nasatakin a lung chu a sen ta thut a.

1 SAMUEL 13:3

Chun, Jonathan chun Gebaa Philistin râl vêngtu sipaihai a thawh a, chu chu Philistin mihai chun an lo hriet a. Chuongchun, Saula chun, “Hebrai mihai khan lo hre seng raw hai seh,” tiin an ram po poah taw- tawrâwt ân mûttir a.

1 SAMUEL 16:14

LALPA thlarau chun Saula chu a suoksan a, LALPA tir khawhriin ama chu a sukbuoi a.