RORELTUHAI 6:31 - Pathien Lekhabu Inthieng (BSI)

³¹ Joas ruok chun ama hung khingtuhai po po kuomah, “Baal chu in ṭan ding a ni maw? Ama chu in hum ding am a nih? Tukhawm ama ṭan taphawt chu zingkâr le le hin sukhlum ding a nih; pathien a ni chun a mâichâm an sukchim leiin ama le ama inṭan ta sienla,” a tih a.

RORELTUHAI 6:31 ပူးပေါင်းရင်းမြစ်များ

1 LALHAI 18:27

Chun, sûnlai tak chun Elija chun anni chu tielin, “Khêk inring ta unla, pathien a ni sih a, ân ngaituo hri amanih, annawleh a in hlau a, sukṭhang ding amani khawm nîng a tih,” a ta.

1 LALHAI 18:29

Chun, nisa a hung inher chun zân tieng inthâwi hun chen ding hin an hril ruol duol duol zing a, nisienlakhawm, râwl riva hrim hrim a um nawh a, dawntu ding hrim hrim amanih, a lo ngaisaktu hrim hrim amani khawm an um bawk nawh a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

FESUOKNA 23:2

Thil suol thaw dingin mipui chu i zui ding a ni nawh a; indikna keikâwi dinga mi tamna tieng tienga ṭhangin thubuoiah hrietpuitu i ni ding a ni bawk nawh;

ISAI 41:23

Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 46:1

Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai tah a; Milim phurlawna umhai chu phurrik, sa châu ta dinga phurrik an nih.

ISAI 46:7

An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vân- khuphnuoia inthawk le leihnuoia inthawk chun bohmang an tih.

JEREMIA 10:5

Leipuia vate ṭi milim ang an na, nisienlakhawm, an ṭawng nawh a; an fe thei naw leiin zâwn an ngai a. Anni chu ṭi naw la, thil suol khawm an thaw thei nawh a, annia chun thil ṭha thawna ding khawm a um bawk nawh.

NAMBAR 14:6

Chun, Nun naupa Josua le Jephunne naupa Kaleb, ram enthla- tuhai laia ṭhang vehai chun an puonhai an keithlêr a;

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

RORELTUHAI 6:30

Chun, khawpuia mihai chun Joas kuoma chun, “I naupa chu hung ṭhuoi suok rawh, a thi ngei ding a nih; Baal mâichâm a sukchim lei le a bula Asera a phûr leiin,” an tih a.

RORELTUHAI 6:32

Chuleiin, chu ni chun Gideon chu Jerubbaal ti a ni tah a, chu chu, “Baal chun ama khing raw se” tina a nih, Baal mâichâm a sukchim lei chun.

1 SAMUEL 12:11

Chun, LALPA chun, Jerubbaal hai, Bedan hai, Jephtha hai, Samuel hai a tir a, in hmêlma khingtieng khingtienga mihai kuta inthawkin a sansuok cheu a, himtakin in um a.