RORELTUHAI 6:25 - Pathien Lekhabu Inthieng (BSI)

²⁵ Chu zân ma chun LALPAIN a kuomah, “I pa bâwngchal, bâwngchal pahnina, kum sari mi chu la la, i pa inei Baal mâichâm hi sukchim la, a bula Asera hi phûr rawh,

RORELTUHAI 6:25 ပူးပေါင်းရင်းမြစ်များ

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? LALPA chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

JOB LEKHABU (THE BOOK OF JOB) 22:23

Iengkimthawthei kuomah i kîr nâwk chun, tung ding nîng i ta, I puon inhaia inthawka fel nawna chu hlatakah i sie hmang phawt chun.

INPÂKNA HLABU 101:2

Kawng ṭha famkima chun vartakin um ka ta, Aw iengtik âm ka kuomah hung i ta? Ka in sûngah lungril ṭha famkim putin um ka tih.

FESUOKNA 34:13

Amiruokchu, an mâichâmhai chu kei chim in ta, an milimhai chu vaw nawi vawng in ta, an pathiennu Aser- a lim khawm chu phûr thlûng in tih:

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

THILTHAWHAI 4:19

Nisienlakhawm, Peter le Johan- in an kuomah, “Pathien mithmuin, Pathien thu zâwm nêkin nangni thu zâwm ân dik lem am chu, ngaituo ro.

THILTHAWHAI 5:29

Nisienlakhawm, Peter le tirko- hai chun, “Mihriem thu nêkin Pathien thu kan zâwm lem ding a nih.

DÂN PAHNINA 7:5

An chungah hieng ang hin in thaw lem ding a nih, an mâichâmhai sukchim in ta, an lungphunhai suknâwi in ta, an Aserahai phûr in ta, an milim siemfâwmhai in raw vawng ding a nih.

RORELTUHAI 2:11

Chun, Israel thlahai chun LALPA mithmuhah thil suol chu an lo thawh a, Baalhai rawng an bâwl tah a.

RORELTUHAI 3:7

Chun, Israel thlahai chun LALPA mithmuah thil suol an lo thawh a, LALPA an Pathien chu an theinghil a, Baalhai le Aserah rawng an bâwl a.

RORELTUHAI 6:26

chun, hi kul chunga hin kawng- zâwng neitakin LALPA i Pathien ta dingin mâichâm siem la, bâwngchal pahnina chu la la, i phûr ding Asera thing chu hmangin pumrawhmang thilinhlân inhlân rawh,” a tih a.