RORELTUHAI 6:24 - Pathien Lekhabu Inthieng (BSI)

²⁴ Chuongchun, Gideon chun chu- taka chun LALPA ta dingin mâichâm a siem a, Jehova-Salom ân bûk a; tu chen hin Abiezrit mihai khuo Ophraa chun a la um zing a nih.

RORELTUHAI 6:24 ပူးပေါင်းရင်းမြစ်များ

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 12:8

Chutaka inthawk chun Bethel saktienga tlânga chun ân tâwl a, chutaka chun puon in a zar a, a thlangtieng chun Bethel chu a um a, a sak tieng chun Ai khuo a um a; chutaka chun LALPA ta dingin mâichâm a siem nâwk a, LALPA hming chu a lam a.

INṬANNA 22:14

Chuongchun, Abrahamin chu hmun hminga chun “Lalpain ngai- tuong a tih” ti ân bûk a; vawisûn chena “LALPA tlânga chun ngaituo nîng a tih,” an ti hlak ang hin.

INṬANNA 33:20

Chutaka chun mâichâm a siem a, a hmingah El-elohe-Israel ân bûk a.

2 SAMUEL 24:25

Chun, David chun chutaka chun LALPA ta dingin mâichâm a siem a, pumrawhmang thilinhlânhai le inremna thilinhlânhai ân hlân a. Chuongchun, LALPA chu an ram chunga chun a lungâwi a, Israel rama inthawkin hri chu ân kieng tah a.24.24 1 Chr 21.34 24.25 Is 19.22

1 LALHAI 18:32

Chuong lunghai chun LALPA hmingin maichâm a siem a; maichâm vêl chu bu chi tekhâwng hni inleng ding zet hin a cho khur a.

EZRA 3:2

Chun, Jozadak naupa Jesua le a unau thiempuhai, Sealtiel naupa Zerubbabel le a unauhai le chun an tho a, Pathien mi Mosie dâna ziek angin, chutaka chun pumrawhmang thilinhlânna dingin Israel Pathien mâichâm chu an siem tah a.

FESUOKNA 17:15

Chun, Mosie chun mâichâm a siem a, a hminga chun “Jehova- Nissi” ân bûk a;

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “LALPA chu ei felna a nih,” ti hi.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

NAMBAR 26:30

Chun, hienghi Gilead thlahai an nih: Iezer thlahai chu Iezerrawi; Helek thlahai chu Helekrawi;

JOSUA 22:10

Chun, Kanaan ram Jordan biel an va tlung chun Reuben thlahai le Gad thlahai le Manasse hnam zâtvehai chun Jordan vadung panga chun mâichâm lientak el langsârtak hi an siem a.

RORELTUHAI 21:4

Chun, a zînga chun mipui chu inhmatakin an tho a, chutaka chun mâichâm an siem a, pumrawhmang thilinhlânhai le inremna thilin- hlânhai an inhlân a.

RORELTUHAI 6:23

LALPA ruok chun a kuomah, “Thlamuongtakin um la, ṭi naw rawh, thi naw ti nih,” a tih a.

RORELTUHAI 8:27

Chun, Gideonin chuonghai chun thiempu zakawsîng a siem a, a umna Ophra khuoa chun a sieh a; chutaka chun chu chu bein Israelhai po po chu an lo uire zo tah a, Gideon le a sûnghai ta ding khawma châng a lo ni tah a.

RORELTUHAI 8:32

Joas naupa Gideon chu tar kûna damin a thih a, Abiezrithai ta Ophra a pa Joas thlâna chun an phûm tah a.

1 SAMUEL 14:35

Chun, Saula chun LALPA ta dingin mâichâm a siem a, chu chu LALPA ta dinga mâichâm siem hmasa tak a nih.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun LALPA ta dingin mâichâm a siem a.