RORELTUHAI 6:21 - Pathien Lekhabu Inthieng (BSI)

²¹ Chuongchun, LALPA vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, LALPA vântirko chu a mithmua inthawk chu a fe hmang tah a.

RORELTUHAI 6:21 ပူးပေါင်းရင်းမြစ်များ

1 LALHAI 18:38

Chuongchun, LALPA mei chu a hung tlah a, pumrawhmang thilin- hlân dâm, thing dâm, pilvut dâm, lung dâm chu a kâng hmang a, cho khur a tui khawm chu a hîp kang ta vawng a.

1 CHANCHIN SUINA 21:26

Chun, Davidin chutaka chun mâichâm chu LALPA ta dingin a siem a, pumrawhmang thilinhlân le, in- remna thilinhlân chu ân hlân a, LALPA chu a ko tah a; chun, ama chun vâna inthawk chun pumraw- hmangna mâichâm chungah meiin a zuk dawn tah a.

2 CHANCHIN SUINA 7:1

Solomonin ṭawngṭaina chu a suktâwp chun, vâna inthawkin mei a hung tlah a, inthâwinahai le pumrawhmang thilinhlânhai chu a kâng hmang a; LALPA ropuina chun in chu a suksip tah a.

ISAI 38:7

Chun, LALPAIN a thil hril hi a thaw ngei ding a nih ti, hi hi LALPAA inthawka i ta dinga inchikna chu nîng a tih,

LEVI DÂN 9:24

LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

RORELTUHAI 13:19

Chun, Manoa chun kêlte chu fâk ding thilinhlân leh a lâk a, lungpui chungah LALPA kuomah ân hlân a; chun, vântirko chun thil maktak a thaw tah a, Manoa le a nuhmei chun an thlîr zing a.

RORELTUHAI 13:20

Mâichâma inthawka meichawk chu vântieng ân tung lai chun LALPA vântirko chu mâichâma meichawka chun a tungin a fe tah a; Manoa le a nuhmei chun an thlîr zing a, hnuoia chun an bawkkhup dêr el tah a.

RORELTUHAI 6:20

Chun, Pathien vântirko chun a kuomah, “Sa le chawl ṭhanglo bei kha la la, hi lung chunga hin sie la, a tui kha bun suok rawh,” a tih a. Chuong ang chun a hang thawh a.