RORELTUHAI 5:31 - Pathien Lekhabu Inthieng (BSI)

³¹ Chuong ang chun aw LALPA,i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.

RORELTUHAI 5:31 ပူးပေါင်းရင်းမြစ်များ

2 SAMUEL 18:31

Chun, ngai ta, Kus mi chu a hung tlung a; chun, Kus mi chun, “Lalpa, ka lalpa ta dingin chan- chin ka hung intlun a nih, i chunga helhai po po phuba chu LALPAIN vawisûn hin a lâkpêk ta che a nih,” a ta.

2 SAMUEL 18:32

Chun, lal chun Kus mi kuoma chun, “Tlangvâl Absalom chu a la dam de maw?” a ta. Chun, Kus mi chun a dawn a, “Lalpa ka lalpa hmêlmahai le i sietna zawngtuhai po po chu chu tlangvâl ang chun um vawng raw hai se,” a ta.

2 SAMUEL 23:4

Nisa a hung suok a, sûm um dêr lo, Zîng khawvar ang hi nîng a ta; Raw sûr zoa khuo hung inthienga, Hnuoia hlohna inder no hlap ang hi nîng a tih.

INPÂKNA HLABU 19:6

A suokna chu kâwlkawdawng tawpa inthawkin a na, A tlân kuolna chu a tâwp khingtieng chen a nih; A lumna chu hre lo dinga thuphmang hrim hrim a um nawh.

INPÂKNA HLABU 20:8

Anni chu an kûn a, an tlu tah a, Keini ruok chu kan tho a, kan ngîr tlûn ta lem a,

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

INPÂKNA HLABU 89:36

A chithlahai chu kumkhuoin um an ta, A lalṭhungpha chu ka hmaah nisa angin um bawk a tih.

INPÂKNA HLABU 89:37

Thla angin kumkhuoa dingin sukdetin um a ta, Vân duma hretu ringum ang khin,” i tih a.

INPÂKNA HLABU 91:14

Ka chungah a hmangaina ân nghat tlat leiin sanhim ka ta, Ka hming a hriet leiin hmun insângah dawm kai ka tih.

INPÂKNA HLABU 92:10

Nisienlakhawm, ka ki hi ramsiel ki angin i chawimawi a, Hriek thara nâl ka ni tah.

INPÂKNA HLABU 92:9

Aw LALPA, ngai ta, nangma dotuhai hi, Ngai ta, nangma dotuhai hi an bohmang ding a nih; Thil suksuoltuhai po po hi sukdarin an um vawng ding a nih.

INPÂKNA HLABU 97:10

Aw LALPA hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

INPÂKNA HLABU 97:8

Zion tlâng chun a hriet a, lâwmtakin a um a; Juda naunuhai chu hlimtakin an um bawk a, Aw LALPA, i rorêlnahai leiin.

FESUOKNA 20:6

a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni sih a.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

DÂN PAHNINA 6:5

LALPA in Pathien chu in lungril po poin, in lungvar po poin, in hrâtna po poin in hmangai ding a nih.

DÂN PAHNINA 7:9

Chuleiin, LALPA in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.

RORELTUHAI 3:11

Chun, ram chu kum sâwmli râlmuongin a um a. Chun Kenaz naupa Othniel chu a thi tah a.

RORELTUHAI 3:30

Chuongchun, chu ni chun Moab mihai chu Israelhai hmaa chun an tlâwm tah a. Chun, ram chu kum sawmriet sûng râlmuongin a um a.