RORELTUHAI 5:23 - Pathien Lekhabu Inthieng (BSI)

²³ LALPA vântirkoin, ‘Meroz chu ṭawngsie inphur ro, Chutaka umhai chu nasatakin ṭawngsie inphur ro. LALPA ṭhangpui dinga an hung naw leiin, LALPAIN mi hrâttak a thawnaa ṭhangpui ding chun,’ a tih.

RORELTUHAI 5:23 ပူးပေါင်းရင်းမြစ်များ

NEHEMIA 3:5

Anni dawta chun Tekoa-haiin an siem ṭha a; nisienlakhawm, an mi lienhai chun an hotu sina chun an rîng an va rawl nuom ve nawh a.

INPÂKNA HLABU 94:16

Tu am thil ṭha naw thawtuhai mi thawpêk dingin tho a ta? Tu am thil suksuoltuhai mi thawpêk dingin ngîr a ta?

JEREMIA 48:10

LALPA sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:18

Jentailhai inâwitir dingin Kristain thilthaw le thu hrilin keima mi hmanga a thilthawhai chau naw chu iengkhawm hril ngam si naw ning a;

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

1 KORINTH 3:9

Keini chu Pathien sinthaw- puituhai kan ni sih a, nangni Pathien lohma chu in na, Pathien in bâwl chu in ni bawk a nih.

2 KORINTH 6:1

Chun, Pathien lunginsietna chu ṭhathnempui loa in hmu nawna dingin, ama thawpuiin ka ngên cheu a nih.

RORELTUHAI 13:3

Chun, LALPA vântirko a nuhmei kuoma chun a hung inlâr a, a kuom- ah, “Ngai ta khai, i ching a, nau hrim i la vawn ngai nawh a, nisienlakhawm, inrai i ta, naupasal nei i tih.

RORELTUHAI 2:1

Chun, LALPA vântirko Gilgala inthawkin Bokimah a hang feh a. Ama chun, “Aigupta rama inthawk khan kân suoktir cheu a, in thlatuhai kuoma inkhâma ka ilo tiem tah rama khan ka ṭhuoi lût cheu a; ‘In kuoma thu ka ithlung kha bawse naw tawp ka tih;

RORELTUHAI 21:5

Chun, Israel thlahai chun, “Israel hnam po po laia LALPA kuoma pungkhâwmhai laia hang ṭhang ve naw chu tuhai am an nih a?” an tih a. Mizpaa LALPA hmaa hang fe naw taphawt chu, “Sukhlum ngei ding nîng a tih,” tiin ṭawng an lo inkhâm ta tlat sih a.

RORELTUHAI 21:8

Chun, anni chun, “Israel hnam laia mi a tu hnam tak am a na Mizpaa LALPA hmaha hang inlang ve naw hi?” an tih a. Chun, pungkhâwmhai umnaa chun Jabes-gilead mi chu pakhat khawm an hung ve nawh ti an hmu tah a.

RORELTUHAI 4:6

Naphtali ram Kedesa inthawkin Abinoam naupa Barak chu ân chah a, a kuomah, “LALPA Israelhai Pa- thienin, ‘Naphtali thlahai le Jebulun thlahai mi sîng khat ṭhuoi la, Tabor tlângah hang fe rawh.

RORELTUHAI 5:13

Chun, mi lien la um sunhai le mipui chu an hung thlah a, Mi thawpui dingin LALPA mipui chu mi hrâttak leh an hung thlah a,

RORELTUHAI 6:11

Chun, LALPA vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

RORELTUHAI 8:5

Chun, Sukkoth khuoa mihai kuoma chun, “Hieng ka hnungzuihai hi, ka hni cheu hi, beiphêkhai pe ta u khai, an châu ta êm el a, Midianhai lal Zeba le Zalmunna ka hnawt a nih,” a tih a.

RORELTUHAI 8:6

Sukkoth khuoa mi lienhai chun, “Zeba le Zalmunna chu i kuta umsa ang hrieua chuonga i sipaihai bei kan hang pêk el ding chu?” an tih a.

RORELTUHAI 8:8

Chutaka inthawk chun Penuelah a hang feh a, an kuomah chuong ang bawk chun a hril nâwk a, chun Penuel khuoa mihai chun Sukkoth khuoa mihai dawn dân bawkin an lo dawn veh a.

1 SAMUEL 17:47

chun, hitaka pungkhâwmhai po po hin LALPA chun kâwlhnâm le feiin a sandam nawh ti hre thei an tih; indona chu LALPA indona a ni sih a, ama chun kan kuta hin nangni hi a mi pêk ding a nih,” a ta.

1 SAMUEL 18:17

Chun, Saula chun David kuom- ah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. LALPA indonahai chu do rawh,” a ta. Saula chun, “Kei chun chu a chunga hin kutthlâk loin, Philistin mihaiin thlâk lem raw se,” a ti a nih.

1 SAMUEL 25:28

Ka hni che a nih, i siehlawnu suolna hi ngaidam rawh, LALPA chun ka pu hi sûngkuo nghettakah indin ngei ngei a ta, ka pu hi LALPA indonahai do a ni sih a; i dam sûng po po chun nangmaa chun suolna hrim hrim hmu ding um naw nih.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu LALPA a ni chun thilinhlân chu pawm hrâm sienla; mihriem nauhai an ni ruok chun LALPA hmaah ṭawngsephurin um raw se, ‘Fe la, pathien danghai rawng bâwl rawh,’ tiha LALPA ro ka hluo thei nawna dinga vawisûn hin an mi hnawt hmang ka ni sih a.