RORELTUHAI 4:15 - Pathien Lekhabu Inthieng (BSI)

¹⁵ Chun, LALPAIN Sisera le a tawlailîrhai po po le a sipaihai po po chu Barak hmaa chun kâwlhnâmin a sukbuoi tâwl tah a; Sisera chu a tawlailîra inthawk chun a ṭum a, kein a tlân hmang ta dai a.

RORELTUHAI 4:15 ပူးပေါင်းရင်းမြစ်များ

2 LALHAI 7:6

LALPAIN Suria sipaihai chu tawlailîr ri dâm, sakawr ri dâm, sipai tamtak ri dâm ân hriettir a nih, chuongchun, “Ngai ta u, Israel lal hin, Hit lalhai, Aigupta lalhai hi eini mi thaw ding hin a hung ruoi a ni hi,” tiin an inbiek a.

DÂN PAHNINA 7:23

An bohmang hma khat chu LALPA in Pathienin anni pêng a ti cheu a, buoi namênin anni sukbuoi naw nih.

HEBRAIHAI 11:32

Chun, ieng am la hril rawp ka ta? Gideon thu dâm, Barak thu dâm, Samson thu dâm, Jephtha thu dâm, David thu dâm, Samuel thu dâm, zâwlneihai thu dâm hril lang hunin mi dai si naw nih a.

JOSUA 10:10

LALPAIN anni chu Israelhai hmaa chun a sukbuoi tah a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

1 SAMUEL 7:10

Chun, Samuelin pumrawhmang thilinhlân ân hlân lai tak chun Philistin mihai chun Israel mihai chu thaw dingin an hung hnai a, nisien- lakhawm, chu ni chun LALPAIN Philistin mihai chungah vân nasa- takin ân rûmtir ta dur dur el a, a sukbuoi tah a; Israel mihai hmaa chun an tlâwm ta dêr el a.