RORELTUHAI 3:28 - Pathien Lekhabu Inthieng (BSI)

²⁸ Chun, ama chun, “Mi zui ro khai, LALPAIN in hmêlma Moab mihai hi a pêk ta cheu a nih,” a tih a. Chuongchun, an zui thlâk a, Moab ram dep Jordan vadung kaihai chu an lâk a, tukhawm an inkaitir phal ta nawh a.

RORELTUHAI 3:28 ပူးပေါင်းရင်းမြစ်များ

1 LALHAI 20:21

Chun, Israel lal chu a va suok a, sakawr le tawlailîrhai chu a va thawh a, Suria mihai chu a va that rak el a.

JOSUA 2:7

Chun, mihai chun Jordan vadung tieng chun kai chen chun an va hnawt tah a; chun, a hnawttuhai chu an suok phing le chun dai kawtkhâr chu an khâr tah a.

RORELTUHAI 10:11

LALPA chun Israel mihai kuom- a chun, “Aigupta mihaia inthawk, Amor mihaia inthawk, Ammon mihaia inthawk le, Philistin mihaia inthawk dâmin ka sansuok cheu ni lo am a nih?

RORELTUHAI 12:5

Chun, Gilead mihai chun Ephraim mihai depa Jordan vadung kaihai chu an lo man a, chun Ephraim mi tlân hmanghai tu el khawmin, “Hung kai ka tih,” a ti pha chun, Gilead mihai chun a kuomah, “Ephraim mi i ni am?” an lo ti pei a.

RORELTUHAI 3:29

Chu ṭum chun Moab mi sîng khat lai, mi âwmkhau ṭhieu le mi hrât ṭhieu an that a, pakhat khawm a tlân suok an um nawh.

RORELTUHAI 4:10

Barak chun Zebulunhai le Naphtalihai chu Kedesa chun ân cha khawm a, mi sîng khat ama leh an hang feh a; chun Debora khawm ama leh a hang fe veh a.

RORELTUHAI 7:14

Chun, a ruolpa chun a dawn a, “Chu chu Israel mi Joas naupa Gideon kâwlhnâm a ni el chu; Pathienin Midianhai po po le sipaihai po po chu a kutah a pêk a ni el chu teh,” a tih a.

RORELTUHAI 7:15

Chun, Gideon chun mang le a umzie an inhrilfie a hriet chun, Pathien a biek tah a; chuongchun, Israelhai kul tieng chun a kîr nâwk a, “Tho ta u khai, LALPAIN Midian sipaihai chu in kutah a pêk tah a nih,” a tih a.

RORELTUHAI 7:17

Chun, ama chun an kuomah, “Mi en unla, ka thaw angin thaw ve pei ro aw; kul tawntir ka tlung phing- leh ka thaw ang peiin thaw ve ro.

RORELTUHAI 7:24

Chun, Gideon chun Ephraim tlâng ram po poa chun, “Midianhai hi hung thaw ro, Beth-bara chenin vadunghai chu lo lâk khal unla, Jordan vadung leh,” tiin mihai ân tlân vêltir a. Chuongchun, Ephraim mihai po po chu an pung khâwm a, Beth-bara chenin vadunghai chu Jordan vadung leh an lo lâk khal vawng a.

RORELTUHAI 7:9

Chu zâna chun LALPAIN a kuomah, “Tho la, kula chun zu fe raw khai, i kutah ka pêk ding che a nih:

1 SAMUEL 17:47

chun, hitaka pungkhâwmhai po po hin LALPA chun kâwlhnâm le feiin a sandam nawh ti hre thei an tih; indona chu LALPA indona a ni sih a, ama chun kan kuta hin nangni hi a mi pêk ding a nih,” a ta.