RORELTUHAI 21:6 - Pathien Lekhabu Inthieng (BSI)

⁶ Chun, Israel thlahai chun an unau Benjamin mihai chu an lainat hle el tah a, “Vawisûn ni hin Israel thlahai laia hnam khat chu sawk an lo ni ta sih a.

RORELTUHAI 21:6 ပူးပေါင်းရင်းမြစ်များ

2 SAMUEL 2:26

Chuongchun, Abner chun Joab chu a ko a, “Kâwlhnâm hin a vât zing ding am a nih? A tâwp tieng chun la lunginzîngum hlêng a tih ti i hriet naw am a nih? Mipuihai chu ieng chen am an unauhai hnawt kîrsan dinga hril loin i um ding a na?” a ta.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

RORELTUHAI 11:35

Ama chu a hang hmu phingleh a puonhai a keithlêr a, “E khai, ka naunu, i mi suktlâwm ta hle el a; a mi suklungzînghai laia mi i ni ta hi! LALPA tiengah ka bau ka lo ka ta sih a, chu chu inphat nâwk thei ka ni ta nawh,” a tih a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 21:15

Chun, Israel hnamhai laiah LALPAIN insuktumna a lo siem tâk leiin mipuihai chun Benjamin mihai chu an lainat ta hleh a.

RORELTUHAI 21:5

Chun, Israel thlahai chun, “Israel hnam po po laia LALPA kuoma pungkhâwmhai laia hang ṭhang ve naw chu tuhai am an nih a?” an tih a. Mizpaa LALPA hmaa hang fe naw taphawt chu, “Sukhlum ngei ding nîng a tih,” tiin ṭawng an lo inkhâm ta tlat sih a.

RORELTUHAI 21:7

A la um sunhai ta ding chun an nuhmei ding iengtin am ei thaw ding nîng a ta le? Ei naunuhmeihai hi nuhmeia inneitir dêr lo dingin LALPA hming sâlin ṭawng ei lo inkhâm ta sih a,” an tih a.