RORELTUHAI 20:26 - Pathien Lekhabu Inthieng (BSI)

²⁶ Chuongchun, Israel thlahai po po le mipuihai po po chu an hang feh a, Bethela chun an hang feh a; an ṭap a. LALPA hmaah an ṭhung a; chu ni chun zântieng chenin bu an nghei a; LALPA kuomah pumrawhmang thilinhlân le inremna thilinhlânhai an inhlân a.

RORELTUHAI 20:26 ပူးပေါင်းရင်းမြစ်များ

INṬANNA 28:19

Chu hmun hminga chun Bethel ân bûk a, a khaw hming hmasa chu Luz a nih.

2 SAMUEL 3:35

Chuongchun, sûn a la ni laiin David chu bu infâktir dingin mi po po chu an hung a; nisienlakhawm, David chun, “Nisa tlâk hmaa bu amanih thil dang amani khawm a fâka ka fâk vai chun Pathien chun a law law mi law raw se, chu nêka nasa khawmin,” tiin ṭawng ân khâm a.

2 CHANCHIN SUINA 20:3

Chuongchun, Jehosaphat chu a ṭi tah a; LALPA chu a zawng a, Juda ram po poa bunghei a rawt tah a.

EZRA 8:21

Chun, kan thuomhnawhai po po le kan nau-le-têhai le keini ta dinga lampui tluong mi zawngpêk dinga, kan Pathien hmaa chun kan insuk- hnuoi theina dingin, Ahava vadunga chun bunghei ka rawt tah a.

JEREMIA 36:9

Chun, Juda ram lal Josia naupa Jehoiakim inlal kum ngana, thla kuonaa chun Jerusalema mi po pohai, Juda ram khawpuihaia inthawka Jerusalema mipui hung po pohai chun LALPA hmaa bunghei chu an phuong tah a.

JOEL 1:14

Bu nghei hun inser thieng unla, inkhâwmpui ursûn siem unla, LAL- PA in Pathien ina chun tarsiehai le hi rama chênghai po po chu ṭhuoi khâwm unla, LALPA chu ko ro.

JOSUA 24:1

Chun, Josua chun Israel hnamhai po po chu Sekema chun a ko khâwm a. Israelhai upahai, an lusahai, an rorêltuhai, an hotuhai chu ân kotir a; Pathien hmaah an hung inlang tâwl a.

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

RORELTUHAI 20:18

Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 20:25

Benjamin mihai khawm chu a ni hni ni chun thaw dingin Gibeaa inthawk chu an suok veh a, Israel thlahai lai chun sîng khat le sâng riet an hung that nâwk a, chuonghai po po chu kâwlhnâm chawi mi an nih.

RORELTUHAI 21:2

Chun, mipui chu Bethelah an feh a, Pathien hmaa chun zântieng chenin an ṭhung a, an râwlhai insuoin an ṭap rak rak a.

RORELTUHAI 21:4

Chun, a zînga chun mipui chu inhmatakin an tho a, chutaka chun mâichâm an siem a, pumrawhmang thilinhlânhai le inremna thilin- hlânhai an inhlân a.

1 SAMUEL 11:4

Chuongchun, an mi tirhai chun Saula umna Gibea chu an hung tlung a, mipuihai na hrieta chun chuong thu chu an hril a, chun, mipuihai chun an râwl an insuoh a, an ṭap a.

1 SAMUEL 7:6

Chuongchun, Mizpaa chun an fe khâwm tah a; chun, tui an chawi a, LALPA hmaa chun an bunthlâk a, chu ni chun bu an nghei a, chutaka chun, “LALPA chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêl- pêk a.