RORELTUHAI 20:23 - Pathien Lekhabu Inthieng (BSI)

²³ (Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 20:23 ပူးပေါင်းရင်းမြစ်များ

2 SAMUEL 3:35

Chuongchun, sûn a la ni laiin David chu bu infâktir dingin mi po po chu an hung a; nisienlakhawm, David chun, “Nisa tlâk hmaa bu amanih thil dang amani khawm a fâka ka fâk vai chun Pathien chun a law law mi law raw se, chu nêka nasa khawmin,” tiin ṭawng ân khâm a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

JOSUA 7:7

Josua chun, “E khai, iengdinga, Aw Lalpa PATHIEN, keini mipuihai hi sukbohmanga um dinga Amor mihai kuta pêk dinga Jordan vadung hi mi ṭhuoi kai am i na? Jordan vadung râla khan lungawitaka um ṭawk ṭawk ta lem ding kha aw.

RORELTUHAI 1:1

Josua thi hnung chun Israel thlahaiin, “Keini ta dinga Kanaan mihai chu thawha do dingin tu am hang fe hmasa phawt a ta le?” tiin LALPA chu an râwn a.

RORELTUHAI 20:18

Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.

RORELTUHAI 20:22

Chun, mipui, Israel mihai chu an hang infui tuo nâwk a, an thaw phut nia an thawna hmuna bawk chun thaw dingin ṭhang an hang siem nâwk a.

RORELTUHAI 20:24

Chun a ni hni niin Israel thlahai chun Benjamin thlahai chu an hang hnai a.

RORELTUHAI 21:2

Chun, mipui chu Bethelah an feh a, Pathien hmaa chun zântieng chenin an ṭhung a, an râwlhai insuoin an ṭap rak rak a.

1 SAMUEL 10:3

Chun, chutaka inthawk chun fe pei la, Tabor thingsaisuo chu va tlung i ta, chutaka chun mi pathum, Bethela Pathien kuoma hang fe dinghaiin lo intuokpui an ti cheh a; pakhat chun kêlte pathum pawm a ta, pakhat chun beiphêk pathum chawi a ta, chun, pakhat chun uoin peng chawi bawk a tih.

1 SAMUEL 11:4

Chuongchun, an mi tirhai chun Saula umna Gibea chu an hung tlung a, mipuihai na hrieta chun chuong thu chu an hril a, chun, mipuihai chun an râwl an insuoh a, an ṭap a.

1 SAMUEL 7:6

Chuongchun, Mizpaa chun an fe khâwm tah a; chun, tui an chawi a, LALPA hmaa chun an bunthlâk a, chu ni chun bu an nghei a, chutaka chun, “LALPA chunga chun ei lo suol tah a nih,” an ta. Chun, Samuel chun Mizpaa chun Israel mihai ro a rêl- pêk a.