RORELTUHAI 20:22 - Pathien Lekhabu Inthieng (BSI)

²² Chun, mipui, Israel mihai chu an hang infui tuo nâwk a, an thaw phut nia an thawna hmuna bawk chun thaw dingin ṭhang an hang siem nâwk a.

RORELTUHAI 20:22 ပူးပေါင်းရင်းမြစ်များ

2 SAMUEL 11:25

David chun a mi tir kuoma chun, “Joab kuoma chun hieng ang hin va hril rawh, ‘Hieng hin i lungril chu suklâwm naw chuong naw raw se, kâwlhnâm chun tu tu khawm a thlierbîk si nawh a, nasa nâwkzuolin khuo chu thaw unla, sukse ro,’ tiin infui rawh,” a ta.

INPÂKNA HLABU 64:5

Thil suol thaw ding chun an infui tuoh a, Châng, inrûka kam thua dâm an inbiek hlak a, “Tuin am chuong chu hmûng an ta?” an tih a.

RORELTUHAI 20:15

Chun, chu nia Benjamin thlahai khawpuia inthawka kâwlhnâm chawia suokhai chu, Gibeaa mi za sari thlang ṭhieu tiemsa loin, mi sîng hni le sâng ruk an nih.

RORELTUHAI 20:17

Chun, Israel mihai chu Benjamin mihai tiem loin, kâwlhnâm chawi mi ṭhieu nuoi li an nih, chuong- hai po po chu indo mi vawng an nih.

RORELTUHAI 20:21

Benjamin thlahai chu Gibea khuoa inthawk chun an hung suok a, chu ni chun Israel mihai lai chun mi sîng hni le sâng hni an hung that tah a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.