RORELTUHAI 20:18 - Pathien Lekhabu Inthieng (BSI)

¹⁸ Chun, Israel thlahai chu an tho a, Bethelah an hang feh a, Pathien an hang rawn a, “Benjamin thlahai chu tu am a na hang thaw hmasa ding?” an tih a. LALPA chun, “Judahai hang fe hmasa raw se,” a tih a.

RORELTUHAI 20:18 ပူးပေါင်းရင်းမြစ်များ

JOEL 1:14

Bu nghei hun inser thieng unla, inkhâwmpui ursûn siem unla, LAL- PA in Pathien ina chun tarsiehai le hi rama chênghai po po chu ṭhuoi khâwm unla, LALPA chu ko ro.

NAMBAR 27:21

Chuongchun, ama chu thiempu Eleazar hmaa chun ngîr a ta, ama chun LALPA hmaah Urimin thu la pêk a ta, a thuin suok an ta, a thuin lût an ta, ama le Israel thla po pohai, pungkhâwmhai po po leh,” a ta.

NAMBAR 27:5

Mosie chun an thu chu LALPA hmaah ân tlun a.

JOSUA 18:1

Chun, Israel thlahai mipui po po chu Silo khuoah an in- khâwm tah a, chutaka chun inbiekna puonin an zar a; ram chu an thu hnuoiah a hung um tah a.

JOSUA 9:14

Israel mihai chun an fâk ding hung chawi chu an lâk a, LALPA bâua thurâwn hrim an indawn nawh a.

RORELTUHAI 18:31

Chuongchun, Silo khuoha Pa- thien in a um sûng po chun an inngîr tah a.

RORELTUHAI 19:18

Ama chun, a kuomah, “Juda ram Bethlehema inthawk Ephraim tlâng ram tâwp tienga fe tum ka nih; chutaka um chu ka nih a, Juda ram Bethlehemah ka va feh a, tuhin LALPA inah fe ka tum a nih; tu- khawm a mîn tlungtir an um nawha a nih.

RORELTUHAI 20:17

Chun, Israel mihai chu Benjamin mihai tiem loin, kâwlhnâm chawi mi ṭhieu nuoi li an nih, chuong- hai po po chu indo mi vawng an nih.

RORELTUHAI 20:19

Chuongchun, Israel thlahai chu zîngkâr an tho a, Gibea chu an hang inhuol a.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 20:7

Nangni Israel thlahai, in rêng hin ngai ta u, in ngaidân le in remti dân chu hril ro khai,” a tih a.

1 SAMUEL 10:3

Chun, chutaka inthawk chun fe pei la, Tabor thingsaisuo chu va tlung i ta, chutaka chun mi pathum, Bethela Pathien kuoma hang fe dinghaiin lo intuokpui an ti cheh a; pakhat chun kêlte pathum pawm a ta, pakhat chun beiphêk pathum chawi a ta, chun, pakhat chun uoin peng chawi bawk a tih.