RORELTUHAI 2:20 - Pathien Lekhabu Inthieng (BSI)

²⁰ Chun, LALPA chu Israelhai chunga chun a lunginsen tah a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si nawh a;

RORELTUHAI 2:20 ပူးပေါင်းရင်းမြစ်များ

2 SAMUEL 24:1

Chun, LALPA lunginsenna chu Israelhai chungah a ṭuong nawk ta thut a, “Fe la, Israel mihai le Juda mihai tiem vawng rawh,” tiin David chun an pawi tâwk dingin a chawktho a.

INPÂKNA HLABU 106:40

Chuleiin, LALPA lung chu a mihai chungah ân thawk a, A rochan chu a tirdak tah a.

INPÂKNA HLABU 78:10

Pathien thuthlung chu an zâwm nawh a, A dâna um an nuom naw bawk a;

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

EZEKIEL 20:37

Chun, vuokfung hnuoiah infetir ka ti cheu a, thuthlung khuokhirna hnuoiah lalût ka ti cheu;

NAMBAR 32:13

Chun, Israelhai chunga chun LALPA lung chu a chawk a, LALPA mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

JOSUA 23:16

LALPA in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun LALPA lunginsenna chu in chungah inling a ta, ram ṭhatak a pêk cheua inthawk hi bo- hmang nghâl el in tih,” a ta.

RORELTUHAI 10:7

Chuongchun, LALPA chu Israel- hai chunga chun a lunginsen hle el tah a, Philistin mihai le Ammon thlahai kuomah a zawr tah a.

RORELTUHAI 2:14

Chuongchun, LALPA chu Israelhai chungah a lunginsen tah a; anni rawk hlaktuhai kuta chun a pêk tâwl tah a; an hmêlma an kâwl vêla umhai kuoma chun a zawr a: chuong- chun, an hmêlmahai chu an dang zo ta nawh a.

RORELTUHAI 2:19

Nisienlakhawm, rorêltu chu a thi phingleh an hnungtawl nâwkin, pathien danghai rawng bâwla chi- bai bûk dinga zui thuah an thlatu- hai nêkin an thaw ṭha naw nâwk- zuol a, an thil thaw hlakhai le an ngawltâwtna khawm an bân chuong nawh a.

RORELTUHAI 3:8

Chuongchun, LALPA chu Israel- hai chunga chun a lunginsen tah a, Mesopotamia ram lal Kushan-risa- thaim thu hnuoia chun kum riet an um a.