RORELTUHAI 19:6 - Pathien Lekhabu Inthieng (BSI)

⁶ Chuongchun, a ṭhung a, an pahni chun an fâkin an dâwn tlâng a; chun, nunghâk pa chun mi kuoma chun, “Lungawitakin riek hrâm raw khai, i lungril chu hlimtakin um raw se,” a tih a.

RORELTUHAI 19:6 ပူးပေါင်းရင်းမြစ်များ

2 SAMUEL 13:28

Chun, Absalom chun a sie- hlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

1 LALHAI 21:7

Chun, a nuhmei Jezebel chun a kuomah, “Israel ram lal hi i nih a ni naw am a nih? Tho la, bu fa la, lungril hlimtakin um raw khai, Jezreel mi Naboth grêp huon chu keiin pêng ka ti che,” a ta.

ESTHER 1:10

Ni sari niha, uoin leia lal lungril chu a hung hlim hle phing chun, Mehuman, Biztha, Harbona, Bigtha, Abagtha, Zethar le Karkas, lal Ahasuer hmaa rawngbâwl hlakhai, mi tillâk pasari chu,

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

LUKA 12:19

Chun, ka thlarau kuomah, Thlarau, kum tamtak sûnga dingin sum tamtak în khâwl hi; châwl la, fain dâwn rawh, tîng ka tih,’ a ta.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârloin an chungah bohmangna hung tlung a tih, pumpel naw tawp an tih.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

THUPUONGSUO 11:13

Chun, chu lai tak chun sim- khawleihnuoi nasatakin a hung inhnîng a, khuo chu hmun sâwma ṭhea hmun khat a chim tah a, simkhawleihnuoi inhnînga chun mi sâng sari an thih a; a danghai chun an ṭih a, vân Pathien chu an chawimawi tah a.

RORELTUHAI 16:25

Chuonga an lungril a hlim lai tak chun, “Samson kha ennuom ding- in hung ko ta u,” an tih a. Chuong- chun, Samson chu lung ina inthawk chun an va ko suok a, chun an hmaa chun ennuomah a um tah a, ban le ban inkâra hin an inngîrtir a,

RORELTUHAI 19:7

Mi chu fe tuma a hang tho chun, a tarpupa chun a thlêm a, chuong- chun, a riek nâwk tah a.

RORELTUHAI 19:9

Chun, mi chu a thaikêm le a siehlaw leh suok tuma an hang tho chun, a tarpupa, nunghâk pa chun a kuomah, “En ta, hi khuo khawm ân hnu tah a, vawizân chu riek nâwk hrâm el raw khai. En ta, khuo khawm ân thim hnai el ta hi, hitaka hin riek nâwk la, i lungril khawm hlimtakin um raw se; chun, zingah zîngkâr tho i ta, fe de ti nih,” a tih a.

RORELTUHAI 9:27

Chuongchun, lo tieng an feh a, an grêphai chu an lo a, an chîl a, ruoi an ṭheh a, an pathien inah an lût a, an fâkin an dâwn a, Abimelek chu an deusawh a.

RUTH 3:7

Chun, Boaz chu bu a fâka a dâwn zo chun a lungril a hung hlim ta hleh a, bu hlûm bula zâl dingin a fe tah a. Ruth chu to ṭawkin a va feh a, a ke chu a hlîma a zâl ve tah a.

1 SAMUEL 25:36

Chun, Abigail chu Nabal kuoma chun a hang feh a; chun, ngai ta, a ina chun lal ruoiṭhe ang elin ruoi a lo ṭheh a, ân rui hle leiin Nabal chu a hlim huom el a; chuleiin, a zîng khawvar hmakhat chun iengkhawm, a hril nawh a.