RORELTUHAI 19:25 - Pathien Lekhabu Inthieng (BSI)

²⁵ Amiruokchu, chuonghai chun a thu an pawm nuom nawh a; chuong- chun, mi chun a thaikêm chu a man a, an kuoma chun a va ṭhuoi suok tah a; chun, anni chun an lo pâwl a, khaw- var hmakhat chun zânkhawvârin an lo sawisa hrep a; khuo a hung var phingle chun an insuo tah a.

RORELTUHAI 19:25 ပူးပေါင်းရင်းမြစ်များ

INṬANNA 4:1

Chun, Adam chun a nuhmei Evi chu a pâwl a; chuongchun, ân rai a, Kaina a hung nei a, “LALPA ṭhangpuinain pasal ka nei tah,” a ta.

HOSEA 10:9

Aw Israel, Gibea nia inthawk ta khan i suol a nih; Chutaka chun an la ngîr zing a; Rîtlona nauhai chunga dona chun Gibea ngeia chun a hnawtphâk tâwl naw ding maw?

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

EPHESI 4:19

Chuonghai chun iengkhawm an inhriet thei ta naw leiin thil inthiengnaw tinrêng duâmtaka thaw dingin hurnaah an inpumpêk tah a.

RORELTUHAI 19:24

En ta u, hitaka hin ka naunu nunghâk le a thaikêm an um a, anni chu hung ṭhuoi suok ka ta, anni chu tlâwm unla, ṭha in ti ang phawtin an chungah thaw de ti niu, ama chunga ruok hin chu chuong ang thil invêtthlâk chu thaw naw ro,” a tih a.

RORELTUHAI 19:26

Khuo a hung var phingle chun nuhmei chu a feh a, a hotupa tlunginpa kawtkhâr bula chun a tlu dêr a, khaw- var hnung chenin a um ta zing a.

RORELTUHAI 20:5

Chun, Gibea mihai chun an mi hung thaw tah a, zânah in an hung inhuol a, mi that an tum a, ka thai- kêmnu chu an sawisa hrep a, a hung thi tah a.