RORELTUHAI 19:17 - Pathien Lekhabu Inthieng (BSI)

¹⁷ Chun, a hang nghah a, khaw- laia mikhuolpa chu a hang hmu chun, tarpa chun, “Khâwlaia fe ding am i nih a? Khâwtaka inthawka hung am i nih a?” a tih a.

RORELTUHAI 19:17 ပူးပေါင်းရင်းမြစ်များ

INṬANNA 16:8

Chun, a kuomah, “Hagar, Sarai suoknu, khawlaia inthawka hunga khawlaia fe ding am i nih a?” a ta. Ama chun, “Ka pi Sarai kuoma inthawkin ka tlânhmang a nih,” a ta.

INṬANNA 32:17

A hmaṭhuoitu kuoma chun hieng hin thu a pêk a, “Ka u Esau chun ân tuokpui cheh a, ‘Tu mi am i nih a? Khâwlaia fe ding am? I hmaa umhai hi tu ta am?’ tiha ân dawn pha che chun,

2 SAMUEL 12:4

Chun, mi hausa kuoma chun inzin pakhat hi a va tlung a; chun, a kuoma mikhuol hung tlung chu ama berâm le ran chu that phal loin, mi pasie berâm chu a lâkpêk a, a kuoma hung inzinpa chu a thatpêk a,” a ta.

ISAI 33:8

Lamlienhai chu a ṭhing ṭhiep ṭhuop a, mi inzin inlawn chu an um ta nawh a, ama chun thuthlunghai chu a bawsiet a, khuohai chu a hmusit a, mihriem a ngaisak ta nawh.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

RORELTUHAI 19:16

Chun, ngai ta, tar pakhat hi zântieng chun a lo fe a hung a, ama chu Ephraim tlâng rama mi a nih. Gibeaa chun a va um vak a nih, chutaka mihai ruok chu Benjamin mihai an nih.

RORELTUHAI 19:18

Ama chun, a kuomah, “Juda ram Bethlehema inthawk Ephraim tlâng ram tâwp tienga fe tum ka nih; chutaka um chu ka nih a, Juda ram Bethlehemah ka va feh a, tuhin LALPA inah fe ka tum a nih; tu- khawm a mîn tlungtir an um nawha a nih.