RORELTUHAI 19:10 - Pathien Lekhabu Inthieng (BSI)

¹⁰ Nisienlakhawm, ama chun chu zân chun riek a nuom ta nawh a, a tho a, a suok tah a, Jebus khaw zâwn a va tlung a (chu chu Jerusalem khuo a nih), sabengtung pahni inthuom sa a ṭhuoi a, a thaikêm khawm chu a ṭhang veh a.

RORELTUHAI 19:10 ပူးပေါင်းရင်းမြစ်များ

2 SAMUEL 5:6

Chun, lal le a mihai chu chu rama chêng Jebus mihai chu rûn dingin Jerusalemah an feh a; chuonghai chun David a hung lût thei naw ringin David kuomah, “Hitaka hin hung lût naw tawp i tih, mitdel le kebaihaiin lo dang an ti che,” an ta.

JOSUA 15:63

Jerusalem khuoa mi Jebus mihai ruok chu Juda thlahaiin an hnawt suok thei nawh a: chuongchun, Jebus mihai chu Juda thlahai leh tuchen hin Jerusalemah an la um hmunkhat ta zing a nih.

JOSUA 15:8

chun, ramri chu Hinnom naupa ruoma Jebus mihai ram sîr simtieng (chu chu Jerusalem a nih) chenin a fe pei a, chun, ramri chu Hinom thlang- tieng panga ruom bula um tlâng sîpah a feh a, chu chu Rephaim hmâr- tieng pang ruom tâwp tak a nih,

JOSUA 18:28

Zela, Eleph, Jebus, (chu chu Jerusalem a nih), Gibeah le Kiriath an nih; khawpui sâwmpali a khaw chînhai leh. Hieng hi a nih Benjamin thlahai an sûngkuo izir ang peia an chanpuola ruot chu.

RORELTUHAI 1:8

Chun, Juda thlahai chun Jerusalem chu an hang do a, an lâk a, kâwlhnâmin an that a, khawpui chu an raw tah a.

RORELTUHAI 19:9

Chun, mi chu a thaikêm le a siehlaw leh suok tuma an hang tho chun, a tarpupa, nunghâk pa chun a kuomah, “En ta, hi khuo khawm ân hnu tah a, vawizân chu riek nâwk hrâm el raw khai. En ta, khuo khawm ân thim hnai el ta hi, hitaka hin riek nâwk la, i lungril khawm hlimtakin um raw se; chun, zingah zîngkâr tho i ta, fe de ti nih,” a tih a.