RORELTUHAI 18:28 - Pathien Lekhabu Inthieng (BSI)

²⁸ Zidona inthawka a hang hlat êm leiin a hang sansuoktu ding hlak tukhawm an um si nawh a; tuhai le hlak khawm inhmangna hrim an nei naw bawk a; Beth-rehob bul ruoma um a nih. Chun, khuo chu an siem nâwk a, chutaka chun an um tah a.

RORELTUHAI 18:28 ပူးပေါင်းရင်းမြစ်များ

2 SAMUEL 10:6

Chun, Ammon thlahai chun David theida zâwng an lo ni tah ti an hung inhriet chun Ammon thlahai chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an inchah a, an ruoi a.

2 SAMUEL 14:6

Chun, i suoknu hin naupasal pahni ka nei a, an pahni chun loah an insuol a, tukhawm a ṭheltu ding an um si nawh a, a pakhat chun pakhat dang chu a vuok a, a sukhlum tah a.

2 SAMUEL 24:6

chun, Tahtim-hodsi le Gilead ram an tlung a; chun, Dan-jaan an tlung a, Zidon panin an fe pei a,

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

INPÂKNA HLABU 7:2

Chuong naw chun, sanhimtu um loin, sakeibaknei angin, Ka hringna hi keinawiin, sawisa rawi an tih.

ISAI 23:12

Chun, ama chun, “Aw Zidon nau nunghâk, mi nêksâwr, hlim nâwk ta naw ti nih; tho la, Kittim ramah kai rawh; chutaka khawm chun châwlna hrim hrim hmu chuong naw ti nih,” a ta.

ISAI 23:4

Aw Zidon, inzak rawh: tuisuoriet, tuisuoriet kulpui chun, thu a hril ta sih a, “Nauha se kân vawi ngai nawh a, nau ka nei ngai bawk nawh, tlang- vâl hlak ka châwm ngai bawk nawh a, nunghâk khawm ka vailien ngai nawh,” tiin.

NAMBAR 13:21

Chuongchun, an hang suok tah a, ram chu Zin thlalêra inthawka Hamath lûtna Rehob chenin an enthlâk vawng a.

JOSUA 11:8

Chun, LALPAIN anni chu Israel- hai kutah a pêk a, an thawh a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei loin an that vawng a.

JOSUA 19:28

Ebron, Rehob, Hammon, Kana le Sidon ropui tlung zakin a fe pei a;

RORELTUHAI 18:1

Chuong lai chun Israel ramah lal an um nawh a; chun Dan chihai chun ram hluo ding an zawng a: chuong lai chen khawm chun Israel chihai laia khan ram hluo ding an la chang si nawh a.

RORELTUHAI 18:29

A khaw hminga chun Israel nau an thlatu Dan hming inchawiin Dan an inbûk a, a phut chun chu khuo chu Lais an ti hlak a nih.

RORELTUHAI 18:7

Chuongchun, mi panga hai chu an suok tah a, Lais khuoah an va lût a, chutaka mihai chu Zidon mihai ang bawka râlmuongtak le lungmuong- taka iengkhawm tlasam loa an um ṭawk ṭawkzie chu an va hmuh a; chu rama chun anni hang sukse dinga thuneitu bîk khawm tukhawm an um chuong nawh a, Zidon mihai le hlak an inhlat a, tu le khawm inhmangna hrim an nei si nawh.