RORELTUHAI 18:18 - Pathien Lekhabu Inthieng (BSI)

¹⁸ Chun, chuong mihai chu Mika inah an hang lût a, milim siem fâwm dâm, zakawsîng dâm, milim dâm, milim sung fâwm dâm an hang lâk chun, thiempu chun an kuomah, “Ieng am in thaw a ni leh?” a tih a.

RORELTUHAI 18:18 ပူးပေါင်းရင်းမြစ်များ

ISAI 46:2

An lo insukhnuoi zingin an lo kûn tâwl seng a, phurrik chu an sanhim thei si nawh a, anni ngei khawm chu sala ṭhuoiin an um ta lem a.

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing sih a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

LEVI DÂN 26:1

“Milim hrim hrim in insiem- pêk fâwm ding a ni nawh a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi LALPA in Pathien chu ka ni sih a.

RORELTUHAI 18:17

Chun, mi panga ram en- thlithlaituhai chu an hang feh a, an hang lût a, milim siem fâwm dâm, milim dâm, milim sung fâwm dâm chu an lâk a, chun, thiempu chu mi za ruk indona thuom inbelhai lai kul kawtkhâr bula chun a ngîr veh a.

RORELTUHAI 18:19

Anni chun, “To rawh, i kutin i bau kha hup la, kan kuomah hung ve la, kan paa le thiempuah hung um rawh; i ta dingin sûng khat chau thiempua um am a ṭha lema Israelhai laia chi khat le hnam khat ta dinga thiempua um?” an tih a.