RORELTUHAI 16:18 - Pathien Lekhabu Inthieng (BSI)

¹⁸ A lungril po po chu a hril vawng an tah ti Delila chun a hriet phingleh Philistin mihai mi lienhai chu, “La hung nâwk phawt ta u, a lungril po po chu a mi hril vawng a ni tah,” tiin ân cha tâwl tah a. Chuongchun, Philistin mihai mi lienhai chu a kuoma chun an hang feh a, tangka chu an chawi a.

RORELTUHAI 16:18 ပူးပေါင်းရင်းမြစ်များ

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

INPÂKNA HLABU 62:9

Mi inhnuoihai hi iengkhawm an ni nawh a, mi insânghai khawm hi khêl an nih; Bûknaa chun an inkâng dai a, Iengkhawm ni lo nêk khawmin an zâng lem a nih.

THUVARHAI 18:8

Mi lâwtthiem thuhai chu bubâr tuihnâitak ang an na, Phîng sûng hmun inthûktakhaiah an fe thla hlak.

NAMBAR 22:7

Chuongchun, Moab upahai le Midian upahai chu aisân man ding chawiin an suok tah a; Balaam kuom chu an va tlung a, Balak thu incha chu an hril a.

MATTHAI 26:15

“Ama chu inmantir ka ti cheu a ieng am mi pêng in ta?” a ta. Chun, tangka sâwmthum an bûkpêk tah a.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

1 TIMOTHE 6:10

Tangka sum ngainat hi suol tinrêng bul a ni sih a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

RORELTUHAI 16:17

Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai nawh a, ka nu sula ka um laia inthawka Pathien ta dinga Nazarit mia hung um ka nih a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a tih a.

RORELTUHAI 16:19

Chun, a mal chungah a in innghiltir a, chun pasal a ko a, a sam phier sari chu ân âttantir ta vawng a, a sawisa ṭan tah a; chuongchun, a hrâtna chu a hung bo vawng el tah a.

RORELTUHAI 16:5

Chun, Philistin mihai mi lienhai chu a kuoma chun an hang feh a, a kuomah, “Ama chu kan hneh a, khuopa kan sawisak theina dingin a hrâtna san hi hriet tumin zâwr raw khai, chuongchun, kan rêng hin tangka sâng khat le za khat pe seng kan ti che,” an tih a.