RORELTUHAI 16:17 - Pathien Lekhabu Inthieng (BSI)

¹⁷ Chuongchun, a lungril po po chu a hril ta vawng a, a kuomah, “Ka lua hin bakmêt chem hrim ruoi a la ni ngai nawh a, ka nu sula ka um laia inthawka Pathien ta dinga Nazarit mia hung um ka nih a, tuhin hung invaw ta lang chu ka hrâtna chu bo vawng el a tih; chuongchun, hung hrât nâwng ka ta, mi dang ang bawk hung ni el ka tih,” a tih a.

RORELTUHAI 16:17 ပူးပေါင်းရင်းမြစ်များ

THUVARHAI 12:23

Mi var chun hrietna chu a thup a, Invêthai lungril ruok chun invêtna a tlânginsampui.

THUVARHAI 13:3

A bau vêng ṭhatu chun a hringna a kawl ṭha a, A hmûrhai ka lientu ruok chun suksietna tuok a tih.

THUVARHAI 29:12

Rorêltuin thil indik naw thu a ngai chun, A siehlawhai po po chu an rilo hlak.

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.

NAMBAR 6:2

“Israel thlahai kuomah hril la, an kuomah, ‘Pasal amanih, nuhmei amani khawma ieng amanih thutiem bîk, LALPA ta dinga inpêkna Nazarit thutiem ân tiem ding lai chun,

NAMBAR 6:5

Insuktumna thu ân tiem sûng po chun a lu khawm vâw dêr lo ding a nih. LALPA ta dinga insuktum ni a kim hmakhat chun suktum nîng a ta, a sam khawm a hla ding a nih.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawng- bauṭhain a ṭheh a, chutaka inthawk chu Suria ram tieng lawngin a fe tah a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

RORELTUHAI 13:5

ngai ta, inrai i ta, naupasal i nei ding a ni sih a, a lua chun bakmêt chem hrim ruoi ni naw nih a, naupang chu sula a um laia inthawkin Pathien ta dinga Nazarit mi a ni ding a ni sih a, ama chun Israel mihai hi Philistin mihai kuta inthawk chun sansuok ṭan a tih,” a tih a.

RORELTUHAI 16:16

Chuonga ni tin ela a mawr rak a, a ngên tlut tlut leiin, thina khawp rauin a lungvar a hung lunginzîng tah a.

RORELTUHAI 16:18

A lungril po po chu a hril vawng an tah ti Delila chun a hriet phingleh Philistin mihai mi lienhai chu, “La hung nâwk phawt ta u, a lungril po po chu a mi hril vawng a ni tah,” tiin ân cha tâwl tah a. Chuongchun, Philistin mihai mi lienhai chu a kuoma chun an hang feh a, tangka chu an chawi a.