RORELTUHAI 16:15 - Pathien Lekhabu Inthieng (BSI)

¹⁵ Chun, a kuomah, “I lungril hi i mi pêk hlek si nawh a, iengtizieha, ‘Ka hmangai che,’ ti thei am i ni leh? Hi ṭum thum rau i mi hlêmna i suklang tah a nih a, i hrât vieuna san hi i mi la hril dêr da el a” a tih a.

RORELTUHAI 16:15 ပူးပေါင်းရင်းမြစ်များ

INṬANNA 29:20

Jakob chun Rakil nei ding chun kum sari chu rawng a bâwl tah a, nisienlakhawm, Rakil chu a hmangai êm leiin ni sâwt nawte ang chauin a hriet a.

2 SAMUEL 16:17

Chun, Absalom chun Husai kuomah, “Hieng ang hi a ni maw i ruol i lunginsiet dân chu? Iengdinga i ruolpa kuoma i fe naw am?” a ta.

NEHEMIA 6:4

Chuong ang ruok chun vawi li thu an hung inphur a, chuong ang ruok chun kei khawma ka dawn a.

THUVARHAI 2:16

Hmêlmak nuhmeia inthawka sansuok ding chein, A bâuthluma zaihlêmtu che, ram dang mi ngeia inthawk chun;

THUVARHAI 23:26

Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

DÂN PAHNINA 6:5

LALPA in Pathien chu in lungril po poin, in lungvar po poin, in hrâtna po poin in hmangai ding a nih.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si nawh a.

RORELTUHAI 14:16

Chuongchun, Samson nuhmei chu a hmaa chun a ṭap a, “Mi hmangai loin i mi theida a lo ni lem hi tie: ka chihai chu thukhir în dawn a, kei hlak i mi hrilfie ve si nawh a,” a tih a. Ama chun a kuomah, “Ngai ta, ka nu le ka pa khawm ka hril nawh a, nang ka hril ding che maw?” a tih a.

RORELTUHAI 16:14

Chuongchun, a sam phier sari chu puonah a khâwng sah a, kilnain a kilde tlat a, a kuomah, “Samson, Philistin mihaiin an hung thaw ding che a nih ie,” a tih a. Chuongchun, a in chu a hung har a, puonkawl kildena chu a kawl le a pat pumin a keidawk ta vawng el a.

RORELTUHAI 16:16

Chuonga ni tin ela a mawr rak a, a ngên tlut tlut leiin, thina khawp rauin a lungvar a hung lunginzîng tah a.