RORELTUHAI 16:12 - Pathien Lekhabu Inthieng (BSI)

¹² Chuongchun, Delila chun hrui- hruol thar a lâk a, a khuop tah a; chun, a kuomah, “Samson, Philistin mihaiin an hung thaw ding che a nih ie,” a tih a. Pindan sûng rila chun ân chânrutuhai kha an um a. Chun, a kut khuopna chu patzai suktan ang elin a hang suktan tah a.

RORELTUHAI 16:12 ပူးပေါင်းရင်းမြစ်များ

THILTHAWHAI 21:33

Chun, hotu laltak chun a hung hnai a, Paula a chel a, khaidiet pahni inbuntir ding thu a pêk a; tû am a ni, ieng am a thaw ân dawn a.

RORELTUHAI 15:14

Lehi hmun a hung tlung chun, Philistin mihai chun an lo tuok a, an lo khêk dur dur a; chun, LALPA thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni tah a, a khuopnahai chu a kuta inthawk chun a tla ta tawp el a.

RORELTUHAI 16:11

“Hruihruol thar la hmang hlek loin mi khuop hai sienla, chuong- chun, hrât ta naw ning a, mi dang ang el bawk nîng ka tih,” a tih a.

RORELTUHAI 16:13

Chun, Delila chun Samson kuomah, “I mi la hlêmin, khêl i mi la hril ta rawp a ni hi, ieng anga khuop thei ding am i nih a, mi hril raw khai,” a tih a. Ama chun, “ka sam phier sari hi puonah khâwng sa la, kilnain kildet la; chuongchun, hrât ta naw ning a, mi dang ang bawk ni el ka tih,” tiin a dawn a.