RORELTUHAI 15:15 - Pathien Lekhabu Inthieng (BSI)

¹⁵ Chun, sabengtung khâkru a tharlâm deu hi a hmuh a, a hei ban a, a lâk a, chu chun mi sâng khat a vuok hlum a.

RORELTUHAI 15:15 ပူးပေါင်းရင်းမြစ်များ

2 SAMUEL 23:8

Hieng hi David sipai huoisenhai hming chu a nih; Takemon mi Joseb-bassebeth chu sipai hotuhai laia hotu tak a na, ama chu ṭum khata mi za riet thattu Aznit mi Adino an ti bawk kha a nih.

LEVI DÂN 26:7

In hmêlmahai chu hnawt in ta, in hmaah kawlhnâma thatin um an tih.

LEVI DÂN 26:8

Mi pangain za hnawt in ta, mi zain sîng hnawt in ta; in hmêlmahai chu in hmaah kawlhnâma thatin um an tih.

HEBRAIHAI 11:34

Hrât nawnaa inthawka hrâttak- a siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

JOSUA 23:10

Nangni laia mi pakhat chun mi sâng khat in hnawt a, in kuoma a lo hril ta angin, LALPA in Pathien hin a do pêk hlak cheu leiin.

RORELTUHAI 15:16

Chun, Samson chun, “Sabengtung khâkruin pâwng thûr pâwng thûr e, Sabengtung khâkruin mi sâng khat ka vuok hlum ie,” a tih a.

RORELTUHAI 15:17

Thu a hril zo chun a khâkru chawi chu a pei tah a; chun, chu hmun chu Ramath-lehi an hung ti tah a,

RORELTUHAI 3:31

Chun, ama hnunga chun Anath naupa Samgar a hung inlang veh a, ama chun Philistin mi, mi za ruk sebâwng sunna hmawlin a sun hlum a; ama bawk chun Israelhai chu a sansuok a nih.

RORELTUHAI 4:21

Nisienkhawm, Heber nuhmei Jael chun puon in kilna zum a lâk a, hembâwk chu a kutin a chawi a, to ṭawkin a pan phei a, a chau leia imu inhniktaka a zâl laiin kilna zum chun a bek takah a hem a, a hem tlang a, hnuoiah ân bûr ta ngur el a; chuong- chun, a thi tah a.

RORELTUHAI 7:16

Chu mi za thum hai chu pâwl thumin a siem a, an rêng chun taw- tawrâwt le pil bêl ruok, a sûnga meiser sie sa a pêk seng a.

1 SAMUEL 14:14

Chuongchun, Jonathan le a râlthuom chawituin an that hmasa tak ṭum chun ṭin chenve hmun ding ang vêla hin mi sâwmhni amani lai an that a nih.

1 SAMUEL 14:6

Chun, Jonathan chun, a râl- thuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; LALPA chun thil a mi thawpêk khiet rawi mawh; LALPA ta ding chun a tam amanih, a tlâwm amaniha sandam chu ieng- khawm a thei nawna a um chuong si nawh a,” a ta.