RORELTUHAI 14:17 - Pathien Lekhabu Inthieng (BSI)

¹⁷ Chun, a ruoiṭhe, ni sari sûng po chu a hmaah a ṭap a ṭap el a, chun a ni sari ni chun a ngên tlut tlut el leiin a hril ta khawng khawng a; chun, ama chun thukhir chu a chihai chu a hril ve tah a.

RORELTUHAI 14:17 ပူးပေါင်းရင်းမြစ်များ

INṬANNA 3:6

Chuongchun, nuhmei chun thing ra chu fâk mi a nih ti le, mitlatak a nih ti le, mi sukvar dingin thing ra inhnarumtak a nih ti a hriet chun a ra ṭhenkhat chu a lo a, a fâk tah a; chun a pasal kuoma chun a pêk a, ama khawm chun a fâk tah a.

JOB LEKHABU (THE BOOK OF JOB) 2:9

Chun, a nuhmei chun a kuomah, “I ringumna chu i la chel det tlat el a ni maw? Pathien chu hrilse la, thi el rawh,” a ta.

THUVARHAI 7:21

Amanu thu hril ṭha chun ama chu ân pêktir tah a; A hmûrhai zaihlêmna chun ama chu a tirlui tah a.

JEREMIA 9:3

Thudik nawa dingin an thalngul ang elin an lei chu an thlep a; chu rama chun thahrâttakin an hung inṭhang a, thudika ruok chun ni loin; thil suola inthawkin thil suola vêk chun an pakai a, kei khawm an mi hriet hlawl nawh, LALPA chun a tih.

MIKA 7:5

Ruol chu ring naw unla, ṭhuoitua chun ringna innghat naw ro; i âng- sûnga umnu kuom ngeia khawm chun i bau kawtkhârhai chu vêng ṭha rawh.

LUKA 11:8

Ka ti cheu hi, a ruolpa a ni leiin thoin a va pêk nawa chu, a hni tlut tlut leiin, a dit zât zât va pêng a tih.

RORELTUHAI 14:16

Chuongchun, Samson nuhmei chu a hmaa chun a ṭap a, “Mi hmangai loin i mi theida a lo ni lem hi tie: ka chihai chu thukhir în dawn a, kei hlak i mi hrilfie ve si nawh a,” a tih a. Ama chun a kuomah, “Ngai ta, ka nu le ka pa khawm ka hril nawh a, nang ka hril ding che maw?” a tih a.

RORELTUHAI 14:18

Chun, a ni sari ni, nisa tlâk hmain chu khuoa mihai chun a kuomah, “Khuoizu nêka thlum lem ieng am a ni a le? Sakeibaknei nêka hrât lem ieng am a nih a le?” an tih a. Ama chun an kuomah, “Ka bâwngla hin hnuoi inlet naw unla chu, Ka thukhir hi in hriet suok dêr naw ding bah,” a tih a.

RORELTUHAI 16:13

Chun, Delila chun Samson kuomah, “I mi la hlêmin, khêl i mi la hril ta rawp a ni hi, ieng anga khuop thei ding am i nih a, mi hril raw khai,” a tih a. Ama chun, “ka sam phier sari hi puonah khâwng sa la, kilnain kildet la; chuongchun, hrât ta naw ning a, mi dang ang bawk ni el ka tih,” tiin a dawn a.

RORELTUHAI 16:16

Chuonga ni tin ela a mawr rak a, a ngên tlut tlut leiin, thina khawp rauin a lungvar a hung lunginzîng tah a.

RORELTUHAI 16:6

Chuongchun, Delila chun Sam- son kuoma chun, “I hrât hlena san hi mi hril raw khai, iengtin am sawisak dinga khuop thei ning i tih a?” a tih a.